WHAKAUTU MO TE WHAKAHE.

Matuhi, Volume III, Issue 113, 22 November 1905, Page 8

WHAKAUTU MO TE WHAKAHE.

I Panuitia nei e ''Te Puke Ki Hikurangi" i te 6 o nga ra o tenei marama wharangi 3.

Kaati me mihi wawe ano au mo taua panui whakahe, no te mea kei te rite taua panui ki tetahi tamaiti poriro, kaore nei he matua, no te mea kaore i tuhia te kainga, me nga ingoa o nga tangata na ratou taua panui. He ahakoa, me korero purakau noa iho ahau. E hoa mae nga ingoa kore nei, e ki ana nga kupu a oku kaumatua me utu te kupu i te weraweranga,

kauraka e tukua kia mataotao, kaati Heaha koutou te whakahe ai i te.marama i tukua ai ta.ua panui e au, heoi tukua ana ekoutoukia hurihetau.ke,ka tahuri ai koutou ka whakahe, ina tona tikanga o tenei ahua o koatou, he kimi tikanga hei whakahe mo nga mea tika.

Ina hoki ki taku mohio, e haere ana pea tenei kite toru marama, katahi ano koutou ka tuku i ta koutou whakahe. Na e nga ingoa kore nei, me

penei taku whakautu mo ta koutou panui, e rite ana kite korero tamariki e hoa ma kia tika te whakahe, kei kataina koutou e nga tangata i tae ki taua hui, i tu nei ki Patiki, heoi kaore he painga o ta koutou whakahe, kaore he painga o ta koutou whakatika, kaore he painga o ta koutou whakakotiti ke i nga kupu o taua panui.' Katahi anoahau ka kite i tenei ahua korero kia koutou, engari pea ko te ahua ano tena o te whakahaere korero a tena iwi o tatou, engari ia me korero tika kauaka e tinihanga, "tito." Ka kaha ahau kite ki penei, kaore nga tangata na ratou tenei panui i tae ki taua hui, ina hoki ko nga korero a te Murunga kua hurihia naku, koia au i ki ai, e rite ana a ratou korero kite korero tamariki, huanoa me whakahe i runga i te tika anake, kaua hoki e korero tito.

Meta Te Kahu i korero ai mo te maki, kaore rawa i penei nga kauhau a te Weraroa, i maha; engari i utua pototia e te Weraroa te maki i tango nei i te tamaiti a te wahine, heoi katahi nei ka kitea iho, he nui noa atu nga kauhau a te Weraroa, no te mutunga o ana kauhau, katahi ka utu i taua maki. Heoi ra e hoa ma kaati te mahi i nga uiahi pohehe, kaati aku whakautu.

Engari ka tatari atu ano au kia utua mai enei, katahi ano ka whakamaraj

tia atu etahi, heoi ano na:-^-Whareaitu Tangahau. Hawera. Noema 13 1905.