KI TE ETITA O TE MATUHI.

Matuhi, Volume III, Issue 113, 22 November 1905, Page 3

KI TE ETITA O TE MATUHI.

E hika tena koe koutou ko tou komiti, e mahi mai na i to tatou taonga,

kia ora, mau e tuku atu aku kupu ruarua nei hei titiro iho ma nga iwi me nga hapu o to tatou takiwa, puta atu ki nga hapu o waho, ahakoa na Retini Tamihana raua ko Tunuiarangi a raua panui, kia raua ano e pai ana. I roto i te whakautu a Tnnuiarangi i kite iho nei au i tetahi kupu whakataukL Ko Purakau ki tetahi pito ko Tamahau ki tetahi pito o Maungarake. Mehemea e tika ana kei te penei te inohio o nga hapu o Wairarapa ki tenei whakatauaki, kaati ko toku hapu kaore i te inohio ki tenei whakatauaki, i na, te whakatauaki e inohio ana toku hapu. Ko Maea ko Iherangi kite hiwi o Mauugarake, engari ki tona Maungarake ano pea, kaore au i mohio ki te take i ngaro ai enei ingoa, a Purakau raua ko Tamahau: tuarua ko nga mea e mohio ana toku hapu, *'te hiwi ki Maungarake ko te Hamaiwaho," he mana rangatira to te Hamaiwaho, i mau ai tona ingoa kite hiwi o Maungarake, i tuku mai tona mana i runga i tona tipuna rangatira; ia te Rangitataia tuku iho kia te Hamaiwaho, kei te mohio nga iwi me nga hapu ki tetahi kai oraora, i puta ai te ingoa o te Hamaiwaho kite hiwi ki Maungarake. Kaati tenei whakamarama, ka ahu taku whakamaratna mo te ahua o tenei hiwi o Maungarake: Tae mai toku tipuna a te Rangitataia, ka tukua e te iwi kainga tetahi pito o tenei maunga o Maungarake ki toku tipuna, tae atu ki tona rohe; tua atu i a Ngai Tahuahr tua atu ia Ngati-Parera, ko enei pora ka e rua kua tunutunutia ki runga ahi, tua atu. i-enei hapu e rua, ko Tunuiarangi ratou ko ona hoa, tua atu ia Ngati-Hikawera kei reira te waahi i tu mai ai a Tamahau tipuna, kei runga ano i ona maunga me tona rangatiratanga, me tona toa ki nga mahi whawhai, he tino toa taua tipuna, engari

ko tana main hohou rongo kaore au i te mohio, kaati ten a.

Me hold taku whakamarama kite waahi i riro i toku tipuna o tenei maunga, i te takiwa i tukua ai ki toku tipuna, riro tonu te mana i a ia, tuku iho tuku iho tae iho ki taku uiatua, tae iho ki a au, kei au tonu e pupuri ana te mana o toku waahi o Maungarake, to era atu hapu i tua atu i a au, ia ratou ano te mana o ratou na waahi, kua oti nei te hoko e ratou. Koia nei te waahi i tu ai te pua o Maungarake, "i aranga ai a (taherewahine)," heoi ko nga korero o mua a nga tipuna, kaua e whakarereketia e te tangata, waiho ano i tona tikanga, koi whakawa hoki te ngakau o te tangata. Heoi na to matua pono, na te: Kohea Xanana, Waipoapoa. Noema 13th 1905.