HUI NUI I TE OPERA I PONEKE.

Matuhi, Volume III, Issue 111, 8 November 1905, Page 10

HUI NUI I TE OPERA I PONEKE.

Itu tetahi hui nui ki roto kite whare Opera i Poneke. I muri tonu iho o te tuheratanga o nga tatau i te 7 o nga haora i te ahiahi, ka whawhao te mahi nei te tangata, kaore i takitaro kua ki nga nohanga i te tangata, ara, te whare katoa, tu mai haki nga pahihi tae'noa atu ki waho, i te nui o te tangata. I haere nga tangata kite whakarongo i nga korero a te Pirimia raua ko te Waari, mo runga i nga mahi ote Paremata. Ite meaki ano te hui i tuhera ka timata nga whakatangitangi me nga waiata whakanui i te Pirimia raua ko te Waari, ko Whinirei roia te tiamana, i tona taha matau ko te Pirimia raua ko te Honore Kanara Piti, i tona taha maui ko Ta Hohepa Te. Waari. I te whakatuheratanga i te hui, ka mea a Whinirei, ahakoa ko ia te tiamana o te hui, otira he waahi iti noa iho nei te mahi mana, ara, he inoi ki nga tangata me nga wahine katoa i huihui mai, kia aata whakaaro katoa ki nga korero e puta mai ana i te mangai o te Pirimia raua ko tona hoa.

He tangata enei i eke ki runga kia raua te taumahatanga o nga mahi nunui. hei painga mo nga tangata mete Koroni katoa; hei whakamihi mai ma nga tangata o waho, kite pai ote tipu mete piki haere o nga painga mo Niu Tireni.

1 te tuunga o Te Waari kite whaikorero he roa te, wa i "Umere" ai nga tangata, he whakamihi ki a ia.—l mea ia, i te mea kua tupono nei maku te pu tuatahi, me penei pea he mata korero maku ara, ka maha enei nga tau e mahi tahi ana maua ko te Honore te Pirimia. No reira ka kaha te haere o toku ingoa i roto i nga taunu, me nga

whakahe i ranga i te ahuatanga o nga mahi o te whare, kaati e whakatatata ana tenei kite wa ote pakanga, e tirotiro ai nga tianara, e whakariterite ai i a ratou tangata mo te whawhai. Heoi ko te kupu a te Kawanatanga kite iwi ote Koroni, ahakoa e kitea ana e ratou etahi tapepatanga i roto i etahi take ririki, otira me titiro ano tatou ki nga take nunui i whakahaeretia i runga i te whakaaro, hei take e puta mai ai he painga mo te iwi nui. Mo te taha ki nga take ririki, ki takii whakaaro e taea ano era e te iwi te whiriwhiri, te whakariterite, mete whakaoti i waenganui ia ratou, me pera ano nga take nunui e takoto he ana, kaore an e wehi kite ki, mo nga whakapae maha kite Kawanatanga, i nga tau 15 kua taha ake nei. kore rawa tetahi inea kotahi i taea te whakaatu he tika, kaore i a rikarika nga whakapae ki tenei Kawanatanga, mo te whakapau he i nga moni o Te Koroni, E meahatia noatia iho ana aua whakapae, whakahaere tonu te Kawanatanga i te painga mo te Koroni, koia i puta pai ai te ihu o te Koroni ki uta ote mate, Ahakoa tenei oti painga o enei tikanga katoa, kei te whakamatau tonu te hoa-riri kite hao ite tuunga mete whakahaerenga ma ratou, kaore hoki he wahanga o te iwi ite pai kite aitua, kei te noho ora katoa. 1 te pai o te whakahaere i renvve kua nui nga moni, kua kaha hoki te Kawanatanga kite whakaneke ake i te utu mo nga kai mahi o nga tereina.

Ahakoa he maha o nga whenua nunui l tangohia mo nga reriwe, kua ea katoa nga hoko o aua whenua, kua tae tenei kite wa e kore ai te hiahia taunaha moni kua rite hoki nga mea i hiahiatia ai. Tena i ana haere nga tangata e whakakino nei ki nga wha-

kahaere o Niu Tireni ki tetahi atu motu noho ai, e kore rawa ia e roa ki reira kua hoha. Kaore e rite mai ki Niu Tireni te pai, te ngawari, mete whiwhi o nga kai mahi ki nga utu nui. Ko nga aitua e tupono ana ki nga ki etahi motu e hutia ake ana i te putake i konei, ka mutu ano ta nga kai whakapae i hiahia ai he tango i te tuunga o te Pirimia ka hoatu ki tetahi atu.

Na mo Poneketonu ake kei te piki haere tonu ake nga painga o konei; penei hoki Akarana, a Otepoti, me era atu taone nunui. Kei te noho pai tatou i tenei motu, kei te noho ora. Kei te pai te whakahaere i o tatou tereina, i o tatou rori, me nga mahi miraka kau, kei te nuku haere tonu ake te painga, mete pai ano hoki ote whakahaere i te haringa atu i o tatou taonga ma te moana ki etahi atu motu. 1 runga i enei ahuatanga katoa e mohio tuturu ana au ina tae kite wa o te pooti tera ano au e kite i te maia mete toa, (ka tohu kite Pirimia) etu ana ano i tona tuunga me ona hoa mahi i tona taha e whakahaere ana i te painga mete oranga mo te iwi nui. E whakaririki ana kia puta tenei motu kite tika kite ora kite ranjrimarie.

(Taihoa te whai korero a Te Pirimia.)