KI TE ETITA O TE MATUHI.

Matuhi, Volume III, Issue 106, 4 October 1905, Page 4

KI TE ETITA O TE MATUHI.

Tena koe.— He whakaatu tena kia mohio nga iwi i roto i te Rohe Pooti mema o te Tai-Rawhiti, e tatari mat nei kia mohio ratou, mehemea ka whakaae a Ihaia Hutana, kia tu a ia hei mema mo te Paremata nui o te Koroni. No reira i noho te hui ki Matahiwi, i te 12 o nga rao Hepetema nei, oti ana te kupu koia tenei, me tu a Ihaia Hutana hei mema mo te Paremata, mo.te pootitanga e heke iho nei. No reira e whakaatu ana, kua whakaae a Ihaia Hutana kia tu a ia hei mema kite Paremata, a, tena e whakatutukitia e ia nga tonoa nga iwi mona, kia tae atu ki o ratou takiwa, kia kite he kanohi he kanohi. I tae hoki a ia kite hui momona i Korongata, i te 16 o nga o Hepetema, a ko te hui tuatahj tenei i whakatako

to ai ia, i ana take, i tae a Mohi Te Atahikoia. Otira i mua i ona take, ko tona tono kia Ngai-Te-Upokoiri, me Ngati-Pa-pora, me Mohi hoki; kia tukua tnai mona te pooti. No Mohi noki era pooti i nga pootitanga ka hori ake nei; i runga i te tono, ko te whakautu tenei, ko Mohi te tangata, I runga i te whakatakotoranga a te Hutana i ona take, a, i runga hoki i ta Mohi whakaujarama, kaore ana take, heoi ano kei te iwi he take ma ana, katahi ka rangirua nga kupu, ka mea etahi o ana hapu, ine waiho kei te ra o te pooti tuturu ai te whakaaro mo enei tarigata. I te mea kua whakaae nei a te Hutana kite whakatutuki i nga hiahia o nga iwi i tono mai mona, no reira ka whakaatu ahau i konei.—Timata i te Waipatu, Te Pakipaki, Koparakore, Te Hauke, Te Aute, Patangata, Waipawa, Porangahau, Pakaroa, Takapau, Rakautatahi' ko te Hutana te mema, haunga ia te Rohe o Rongokako, maana ano e whakaatu tana whakaaro, te take he tuturu Kawanatanga te Rohe o Rongokako. He aha koa, hei titiro iho ma nga morehu o Hamua, "i te kauru o Ruamahanga, tae noa atu kia Rakaiwhakairi i te Ngutuwa o Wairarapa," "ko te Hutana te mema mo tatou i tenei pootitanga." Heoi nei nga kupu mo tenei wa, na to koutou whanaunga pono. Tangatake Hapuku, Waipatu. Hepetetna 20th 1905.