KI TE ETITA O TE MATUHI.

Matuhi, Volume II, Issue 104, 27 September 1905, Page 11

KI TE ETITA O TE MATUHI.

E hoa tena koe me ou hoa e mahi maina i to tatau taonga, kia ora. Mau e tuku atu aku kupu ruarua nei, hei titiro iho ma te kanohi o ia waahi, o ia waahi, e rere haere nei a Te Matuhi. He mihi ake no te kia H. P. Tunuiarangi o whakahuihui nei i tona Haapu Awhe-kaihe, kia kotahi te mahara me nga ritenga me uru hoki ki nga Rourn, kia ahei ai te pooti i te mema pakeha. E hoa taku i mahara ai, nou anake te hapu kei nga turanga o te whare ina hoki. Ko Timi Kara, he Minita, Ko Wi Pcre, he Mema, Ko Tame Par.ita, he Mema, Ko H. I*. Tunuiarangi, lie KaiTohutohu. Pai ke atu te pcoti i tetahi o to hapu ko au me oku hoa kei te pooti ia Mohi Te Atahikoia nou tenei hapu

taku mahara me pooti taua ia Mohi me o taua hapu kaura tetahi e pakaru ka whakaae kite pooti inema pakeha e hoa, ko nga mema kei te whakaingoatia mo te ra turanga. Ko te Kahu Hatarani, nouanotena hapu.

Ko Honoiti Ranapiri, nou ano tena. Ko tetahi tena o aku tangata i hiahia ai kia pooti kia ia, engari no taku kitenga i te maha rawa ona turanga katahi ka hoki iho toku mahara mo lhaia, mo te Raiti Hon ore Hetana, e kia nei e koe no te Hungaiti tenei Kavvanatanga, taku mahara, e hara i te Hunga-iti penei mete maori nei, ina hoki kei te mamae au me tetahi atu i te Peehanga a te Puuru Reitime te Ture Muru Whenua, engari te ki no te Hunga-iti e pikau haere nei ia ratau (Tiweeke) notemea kaore hoki o ratou oneone, hei tuunga mo te Ture Puuru Reiti. Mo te kupu kia tukua a tatau uri kite kura kia' whiwhi ai ki nga matauranga o te iwi pakeha, e hoa hei aha tena matauranga mutunga-kore engari, tera ta te Karaiti i tono mai ra kia tukua atu nga tamariki ki a ia, he tono Atua hoki tera, e rite tonu. E hoa ki a au, tukua atu nga tamariki kite waahi kua pacnga mai te rangatiratanga mo ratou, ko au tetahi tangata, kua tonoa-e au aku tamariki me aku tnokopuna maha noa atu, kaore ano au kia mutu te whakarite i taua tono haere ake nei, e hara ite mea tono naku engari he mea tiki tonu mai i runga i to ratou moenga, e hoa e pehea ana to mahara ki tenei o hapu, e ki ake ra an, me pooti taua ngatahi kia Mohi Te Atahikoia, kia tail he rangimarie kia koe, rne te honore nui a te runga rawa. H. L. R. Kiingi Papawai Wairarapa. Hepetema 25th 1905. ; , ;