KI TE ETITA O TE MATUHI.

Matuhi, Volume II, Issue 103, 20 September 1905, Page 10

KI TE ETITA O TE MATUHI.

Mau e panui atu nga korero i raro iho nei.—

Ki te Etita o te Pipiwharauroa, kua kite iho au i to whakauta i taku panui

e man nei i te Pipi No. 89, e ki nei, kua raru an ia Paora Hopere, he maumau noa toku haerenga ki nga kura nunui, kahore kau oku inatauranga, tena ko ia, i whakaakoua noatia kite Kareti o Taupiri, hira ke ake tona matau, oti.ra kahore oku poari mo toku kuare, no te mea he tokomaha oku hoa kuare He kuare te Haahi Ingarangi, te Haahi Weteriana, te Haahi Roma, te Haahi Kotarani, te Haahi Kariki, te Haahi Rumaki, me eta atu Haahi o te ao, e whakapono nei; kahore he tinana o te Atua. Na ! e nga iwi matakitaki iho ra ki to koutou Atua i akona ai koutou i te \va i o koutou kaumatua kua ngaro atu kite po, kei te tino inarama kia tatou, ngaro atu ratau, kaore ravva ratau i mohio, e, he tinana kore to ratau Atua e whakapono nei ratau. Whaihoki me koutou ma inaianei, katahi ano koutou ka mohio, he tinana kore to koutou Atua. E nga tangata o te Haahi Ingarangi, mete Haahi Kotna, mete Haahi Weteriana, me era atu Haahi hoki. Tena to hangae te maori, kaati ma koutou ano eaata titiro te matauranga o a maua whakatnarama ko te Etita. iNa kia mohio koutou katoa, kaore ano te Etita i ki mai kia tatau e hara tera i te Atua i tunua ra he kai ma ratau ko ona hoa e Aperahama raua ko tana ruruhi, me tera ,i korero ra raua ko Mohi he kanohi he kanohi, e hoa ma kite noho tonu tenei Etita ratau ko tona Haahi Ingarangi, tae atu kite mutunga o ratou ra kite kura, e kore rawa e tae atu kite matauranga, he tinana to te Atua,ae, kei te whakapono ke au ma te wairua o te Alua i tunua ra he kai e Aperahama, ka matauria ai nga mea a te Atua, e ai ta Paora Apotoro. kaore au e whakapono ma nga Piiiopa i tae ki.nga kura nunui. Kaati tena: —Kua whakaae te Etita he tino Atua, he tino tangata,

ano hoki ate Karaiti, kaati kua tino marama kia koutou inaianei, e hangai pu ana te kupu a te Atua i ki nei, "tatau ka hanga i te tang uta kia rite kia tatau, hei to tatau hoki te ahaa."

Na ! e ki ana te Etita. he tino Atua a te Karaiti.« Ha ! Etita, e ki ana a W. Peti, na te whaka-walruatanga ote tangata, i rite ai tatau kite Atua "ka pehea ra a te Karaiti kua tino Atua nei?" e ki ana ano te Etita, " i hanga te tangata kia rite kite Atua te ahua" e hara i te- mea te alma o te tinana, o te ihu, o nga kanohi, ona waahi ranei, mei penei kua rite t.onu te ahua o tangata katoa, engari kia whai whakaaro, kia inatau, kia tapu. E hoa ma aata titiro kite whakatnaraina a nga tangata matau nei, ki taku titiro e whakakuare ana tetahi ki tetahi. Kati, kaore ranei a te Karaiti i rite ki tona Matua ? Eki ana a Paora ko te Karaiti tonu te ahua o te Atua 11, Koroniti te 4ite 4. Hiperu 1.3, eki ana ano te Etita, " Paora Hopere, waiho nga kupu a te KaEaiti kia ata tu ana, kahore he kikokiko kahore he wheua." Na, e hoa, kaore e turakina nga kupu a te Karaiti kei te marama noa atu ana kupu kia ana akonga. Kaore a ia i ki atu, he tinana kore te Wairua, he wahi kore ranei. Ko te kikokiko ke mete wheua tana i ki atu ai, kaore kau ana; e ki ana ano te Etita, "ko te Atua matua he Atua anake, ko te Atua wairua tapu he Atua anake, kahore i tangata kahore hoki o raua tinana pera mete 'Atua tama." E hoa nau ake auo tau whakamarama, kaore te Atua m.itua i tangata, i whai tinana hoki, otiia ko ta te Atua whakamarama kua oti ano l a ia te ki, me hanga e ratau te ttngnta hei to ratau tonu te ahua, meta te Karaiti ikL atu ai ki ana akonga, *' koia e kite ana i au, e kite ana ite Matua."

Kaore a te Karaiti i ki mai, ko te whai whakaaro, mete inatau, mete tapu, ka rite ai kite Atua. Ta ngaakonga ke i kite atu ai, ko te tin ana tonu o te Karaiti, no reira he pera hoki te Matua mete Karaite. E ki ana ano te Etita, taku patai tenei, "e whai tinana ranei te wairua, mehemea kahore ona kikokiko kahore ona wheua?" Ae, e whai tinana tonu ana te Wairua, e hara i te mea ma te whai kikokiko ma te wheua anake e whai tinana ai te Wairua. Eki ana re Karaipiture na, ka heke iho te Wairua Tapu ki runga ki a ia, he ahua tinana ano hoki tona ano heKukupa Ruka 3.22. Eki ana ano a Paora, nga mea wairua he tinana ano 1, Koroniti 15.44. Otiia, ko to koutou Atua kore rawa i rite ki tenei wairua, he tino kore atu ona wahi hei kitea tanga, hei taenga atu ranei, hei ahatanga ranei, kaore rawa i ahei te tangata kite korero ki tenei mea kite "kaore kau ana," katahi ano te mea tika rawa, hei katauga ma te ao katoa ko te Hahi e inoi ana kite "kaore kau ana," hei whakahoki mai, hei whakarongo mai, kati term, me titiro ano koa tatau katoa, ko e whea taringa ra o te Karaiti hei whakarongo mai i nga inoi a to tatau Etita ? I te mea hoki e marama ana kia tatau e tino rite ana nga taringa o te Karaiti ki o te tangata. Mo te kupu a te Etita e ki nei, " kua raru ano a te Tai-rawhiti ia Paora Hopere ki taua ki no te Tai-rawhiti anake ngatamariki poriro." Na,kia mohio te katoa, kaore i peraengari e penei ke ana te tikanga o ratau nei takiwa, i raro ite mana o nga Hahi e whakahe ana kite moe Punarua. Kati ten a, e whakaaro ana pea to tatau Etita e kore e tae atu nga inoi ki to Atua i roto i te wa poto noaiho hawhe haora ano kua ronjjo te ao katoa i te matenga o te Kuini, a, kia kaua ranei e rongo te

Atua i roto i te kimonga kanohi ? I te mea he mohio atu te wahi kuare o te Atua i nga tino matauranga'o tenei ao. Kati tena, kaore te Etita nei i whakamarama kia tatau ko te whea wahi o tana Atua hei whakarongo i ana inoi, heoi ano tana whakamarama i kite iho ai au e ki ana ia, "i rangona ai a tatau inoi na te mea he Atua ia." I mutu noaiho i kona te whakamarama a te Etita, na kaore rawa e tika tena whakamarama, me whakahna rawa e ia, ko te whea wahi o tana Atua hei rongo ia ratou inoi. E ki ana ano te Etita, "mehemea ko te Atua o te Momona to tatau Atua, kua raru tatau kua kore e rongona a tatau inoi." Kati tena, kei te marama kia tatau katoa ka timata te tae mai o te Atua o te Etita nei, ki runga kite motu nei, ka timata hold te raru, a tae noa ki tenei ra, e kite nei koutou i te mahi a nga Komihana. No te ahunga o taua Atua tinana kore nei kite whenua. Ma, kua whai tinana, kaore i hanga te roroa o nga ringaringa whete atu hold nga kanohi. Tena to hanga ete Atua ote Etita. Heoi ano. Na Paora Hopere, Taupin, Waikato. Hepetema 16, 1905.