KI TE ETITA O TE MATUHI.

Matuhi, Volume II, Issue 99, 16 August 1905, Page 8

KI TE ETITA O TE MATUHI.

Tena koe, heoi:—E hoa inahau e panui atu nga kupu i raro iho nei, ara:

He nui te tau-patupatu o nga korero a te Momona, raua ko te Mihinare, mo te ahua o Te Atua, kei te kii te Momona he Tinana Te Atua, a, he Wairua Te Atua. Kei te kii Te Mihinare he Wairua Te Atua, kaore he Tinana, heoi. Tenei tetahi korero o te Paipera hei tirotiro ma te ngakau. I te wa i hoki ai a Hakopa ratou ko

ana wahine me ana pononga ki tona whenua tupu, ka tutaki kia ia nga Anahera a te Atua, huaina iho e ia tena waahi ko 'Mahanaima,' muri mai ka whiti nga tangata me nga mea katoa i tetahi awa, ka mahue ko Hakopa anake, a, ka nonoke raua ko tetahi tangata a takiri noa te ata. Ki taku whakaaro ki tenei nonoketanga, i nonoke raua ki o raua tinana, e hara i te mea i nonoke ki o raua Wairua, me pehea hoki e rawe ai te nonoke a te tinana kite Wairua. kaati. Ko wai ra tenei tangata i nonoke nei kia Hakopa? E hara ia nei ite Atua? E ko te Atua, ina hoki i huaina e Hakopa te ingoa o taua waahi ko 'Peniere/ mona i titiro kite Atua he kanohi he kanohi. (Kenehi 32, 30 Kaati i te Pipiwharauroa, No 86 wharangi 8, ka kite iho ahau i nga kupu a te Etita o te Pipiwharauroa kei te rara i waho, ina tona kupu tuatahi kia Paora Hopere, "E hoa ku'a hoha tenei takiwa katoa kite Momona," heoi, kei te korero teka rawa atu taua Etita i roto i tana Pipi e hara tenei i te inahi pai ma tenei hanga ma te Etita o a tatau Nupepa maori, notemea ko Turanga nei kanui te Momona, e 3 nga Peka o te Hahi kei konei, kei te tai-whakarunga mete tai-whakararo, etahi o nga Peka o te Hahi, heoi kei te kaha rawa aku kupu kite Etita, no reira me mutu i konei. Tetahi kupu a taua Etita, i hanga te tangata kia rite kite Atua te ahua, e hara i te mea te ahua o te tinana, o te ihu, o nga kanohi, ona wahi, mei penei kua rite tonu te ahua o nga tangata katoa, engari kia whai-whakaaro, kia matau kia tapu. E hoa ma kaore pea he kupu i te Paipera e ki ana kaore he tinana o te Atua, kaore he itm, kaore he kanohi, kaore ona wahi, otira mehemea kei te mohio tetahi kite kupu

i te Paipera i penei. tonu te rite o nga kupu, me whakaatu inai, penei kua mutu taku hamumu, kite kore hold e kitea me mutu hold ta te Etita me ona hoa i muri i a ia. Katahi tonu pea te ao ka rongo ki tenei kupu kaore he tinana, lie ihu, he kanohi o te Atua, heaha te take i ki ai a Rawiri, e tau ana nga kanohi o Ihowa kite hunga tika me ona taringakita ratau karanga, (waiata 34 15). Ana ka marama, kua kanohi, kua taringa, kaati tenei. Mo tona kupu e mea nei, mei penei kua rite tonu te ahua o nga tangata katoa, Kei te peheara ia te ahua o nga tangata kite Etita, mahara au kei te rite tonu nga tinana, nga ringa, te ihu, nga kanohi, me era atu wahi o te tangata, kaati tenei. Mo tona kupu e mea nei, engari kia whai-whakaaro, kia matau, kia tapu, ki taku whakaaro kaore i te tika toha whakarite, notemea kaore i te rite nga whakaaro, mete matau, mete tapu, o nga tangata, etahi tangata .he porangi, he 'heahea, he wawau, kaore i rite nga whakaaro me te matau ki to te Atua, etahi tangata ko roto tonu i te puremu, i te tahae, i waipiro, me era atu hara, tona kainga a tae noa mai ki tenei ra, kaore i rite te tapu ki to te Atua, otira he mea pai me patai e au kei tewhea waahi o te Paipera e ki ana ko te whakaaro ko te matau ko te tapu o te tangata te tikanga o te kupu nei tatou ka hanga i te tangata kia rite kia tatou te ahua? kaati tenei. Tenei ano tetahi o nga kupu a te Etita, i rite te tangata kite Atua, kaore i rite kite kararehe, e hara i te mea Iko te tinana o te tangata tona ritenga ki te Atua, mei penei kua rite ano te "makimaki," na kaore rawa te Momona i te korero, i rite te tangata mete atua kite kararehe mete "makimaki,"

kei te whakama ahau ki enei kupu a te Etita, pai atu ma te hunga. kuare nei i a au nei enei kupu e whakaputa, heoi ka aata waiho atu e au te Etita i kona tu ai i runga i ana kupu tawai mo te Momona. Heoi kia orate Matuhi, na to mokai. Te Whare Tu Kite-Patuwatawata, Turanga, Akuhata 10, 1905.