KI TE ETITA O TE MATUHI.

Matuhi, Volume II, Issue 92, 28 June 1905, Page 6

KI TE ETITA O TE MATUHI.

Tena koe, — Kia ora i roto i te Ariki, kei te Piki ake te mahi pai i te whenua a te ra e heke iho te mahi tohu i te rangi. 1 tu he waiata. he kanikani ki roto i te taone hooro i te Takapau i te po ote Paraire te 16 o Hune. Na, te komiti whakahaere i te kohi moni hei mahi i te whare karakia maori o te Hahi Ingarangi kite Takapau. A he nui ano te pakeha i tae mai me nga maori hoki, a, i tae mai hoki a Karaitiana Wirihana, o Tahoraite, me nga tamariki tane, me nga kotiro wahine, a, he nui ano to ratou ope haere katoa mai kite whakapiki i tenei mahi i te kohi moni hei hanga i tenei o tatou whare karakia, a he nui te kaha o te Hekeretari o Mane Wiremu me tona komiti me T. Hobson, Kai-tiaki moni, me Kuku Karaitiana, me o ratou kai awhina, kite whakahaere i nga mahi o taua po, a, oti pai ana, a tae noa kite 7 o nga haora ote ata o tetahi ra.

A, i tu he wahine pakeha he tane waiata ai tu hold a Karauria o Tahoraiti, a tino pai te reo o teuei tamaiti maori kite waiata pakeha, ka roa e kaiiikani ana ka karangatia, ma te Hereaka Kahu Inia te waiata pakeha, tioo pai te reo o taua kotiro kite waiata, e rnutu iho ana ano, e toru rawa tunga o taua kotiro katahi ano ka mutu te umere o roto i te whare. E tau kau ana taua kotito reo reka nei kite waiata ka tu a Purakau, a Kuku, me etahi atu hoki, ka whakahuatia te Haka, " Ka mate, ka mate, ka ora, ka ora, tenei te tangata puhurnhuru nana i tiki mai whakawhiti te ra."

Ka nui to tangata ka takahi ai, e hoa ma kaore he pai i ngaro atu, tino pai te whakahuatanga a Purakau i taua haka, i tu a T. Hobson, tiamana o taua komiti, kite mihi ki nga pakeha me nga maori i hui mai kite awhina i tenei kohi moni heimahi i te whare karakia mo nga maori, i muri ka tu a Purakau kite mihi ki nga pakeha a kite mihi hoki kia Karaitiana o Tahoraiti ratou ko ana tainariki tane, wahine, i haere mai ratou i roto i tera mana nui i a Tamakinuiarua ai whakaatu hoki a Purakau kei te marama o Hepetema ka tu ano tetahi, hni penei ano, koi nei ano te take, engari ka nuku atu nga kotiro reo reka kite waiata pakeha, ahe haka hoki he poi, heoi ka tangi te hipihipi hure a te pakeha.

I tono a Karaitiana Wirihana, he titiro nona he paku no tenei Hooro, ki

te tu ano me kawe atu ki roto i te whare hui i Tahoraiti, kia uru ai te toru rau 300 tangata ki roto, a tera hoki ia e kaha kite awhina i nga mahi mo taua ra.

Kaati tera, i whakaaetia te tono a taua Rangatira, a ma nga panui e whakaatu te marama, te ra hoki. Heoi, na te kai tuhi. H.W.P., Takapau. Hune 17, 1905.