KI TE ETITA O TE MATUHI.

Matuhi, Volume II, Issue 85, 10 May 1905, Page 8

KI TE ETITA O TE MATUHI.

Tena koe, — He panui atu tena kia mohiotia ai kua marena a Te Rata Potatau kia Te Uranga, ko Te Rata, he tama tuatahi na Mahuta Tawhiao, i marenatia raua ki Waahi, Waikato, i te rua tekau ma rua o te marama nei, ko te tangata na ana i marena ko Te Wharua Te Whakaete, ko nga kupu tenei o te marena, "haere mai te taonga haere mai kite whare, ko te tikanga ano tenei a o korua tupuna, haere mai i te ra e wjiiti ana," he nui te tangata i hui mai ki tenei marena, i tae mai Te Pirimia, ki Hanatere i tae atu a Mahuta ki reira, raua ko Henare Kai-

hau, i kauhau Te Pirimia, i mea kia mataara nga hoia o Hanatere, ahakoa kore e tae mai he pakanga ki konei kia tiaki i to tatau motu, i te tori karaka o te ata, ka haere te tereina o Te Pirimia ki Akarana.

He whakaatu tenei i te kaha ote iwi nei ote pakeha kite hopu i ote maori rnatauranga, kua panuitia e % Matuhi te hanganga a te pakeha ite tahi kohatu kia rite kite pounarau pohehe tonu atu nga maori kua panui Te Matuhi mehemea ka iti te utu e hara i te pounamu, na waihoki ko te mahi whakato harakeke, kua mahia e te pakeha, kei Waikato te tahi piihi whenua e 500 nga eka no te tau 1899, ka mahia, ara, ka timata te tiri harakeke tae mai kite tau 1902, ka tapahia ki te mira, e waru tekau eka, ko nga moni i utua ai nga maka tekau ma ono pauna, tenei rima rau eka kei te tiri tonu kei te tapahi mai ainuri, kei te tiri haere a mua e waru tekau nga tangata tiri, he ono herengi mo te ra kotahi rau eka ka tapahi i tenei makariri te ingoa o tenei whenua ko Hukanui. Kei Rangiriri e tiria ana kite harakeke kotahi rau eka, kotahi pauna mo t.i eka whakato e oti ana i te tangata te eka kotahi i te ra. Heoi na, Rangiriri, Waikato. Maehe 24 19q5.