KI TE ETITA O TE MATUHI.

Matuhi, Volume II, Issue 84, 3 May 1905, Page 4

KI TE ETITA O TE MATUHI.

Tenei etahi mahara ruarua nei hei tuku atu mau, ki nga hoa aroha e noho inaira i era wahi o nga motu e rua, hei titiro hei mahara ma te ngakau. Ko te putake nui o tenei mahara he whakaara i o tatou ngakau, kite kimi i tetahi tangata tika kaha tupato hei mema mo tatau kite Paremata. I puta ano i au tenei mahara i te ra tau, kaati, kua kite iho nei ite mahara o Tuhoe i te pepa No. 79, e tino nei kia titiro atu nga iwi ki ta ratou tangata i kimi ai, heoi te titiro ake o te ngakau, kore rawa a Tuhoe i whakamarama i te ahua o ta ratou tangata, ara, i te mohio i te tupoto mete tika. £ nga iwi, taku tika, •* ke te tangata kaore ana raruraru ki tona iwi me ona hapu, e aroha ana hoki ki nga mea kuare e tukinotia ana e te hunga tinihanga." Ko te tangata tena hfti mema mo tatou, kaati, kei te mohio tonu tatou kite titiro i tenei ahua tangata e nga iwi, ko te tika ko te kaha, ko te tupoto,

te tnea nui, mo tatou i roto i .enei ra ahakoa he tangata iti, ko enei tikanga kua kiia ake ra kei roto i aia, e hoa ma koi ana te tangata. Kua tukua o tatau rangatira hei mema i enei tau maha kua hori nei heoi te mea i oti he aue tonu o nga iwi, tenei ano tetahi mahara kuareo| tatau o te maori, ko te ingoa nei ko te mema. Ko etahi o nga hapu eki ana kei a tatau tenei ingoa te mema, kia mau te pupuri ahakoa he he nga mahi ato ratou mema, me ahatia ake te mate o nga iwi. Kaati me whaki tonu ake au i nga he i kite ai au, kia mohio ai hoki nga mea kore i te kite, i te rongo. Te he tuatahi, kore rawa te mema e noho ana i roto i te whare i te wa e korerotia ana nga tikanga pakeha, e hoa ma e pa mai nei hoki aua ahua tikanga ki runga ia tatau. Te tuarua o nga he, kore rawa te mema e haere kite titiro i nga hapu o roto i te takiwa nana ra ia i pooti, kite tohutohu atu i te ara e puta mai ai he ora kia ratou kite titiro hoki i nga mate e pa mai ana kia ratou, he maha o tatau hapa kei roto tonu i te pouritanga e noho ana kore rawa i te mohio pewhea te ahua mo ratou, na te aha i pera ai ?

Na te kore hoki o te mema e tae ki aua wahi hei hoatu i te maramatanga kia ratou.

Kaati e nga iwi, he putake nunui enei hei titiro iho ma tatau, kaati kite kore e oti enei tikanga kua kiia ake ra, e kore hoki e tahi atu tikanga e oti.

No reira e nga iwi kaati te whakatutu i nga tangata e mohio nei koutou he raruraru o ratou, kite tae kite Paremata ka tahi ka kino atu te raruraru.

Kaati ake enei whakamarama e nga iwi, he maha o tatau hapu kei to penei

te korero ka pooti ratou kite mema pakeha., na te aha i pera ai aua hapu ? Jfa te kite ko nga tnetna pakeha o ratou takiwa e whakaoti ana i a ratou tikanga. Kaati e hoa ma, kia inarama te titiro i enei take, r 3 ■■'■? Heoi. ; ; Na Inia Tuhata, Waitangi, Wharekauri. Aperiea L 9, 1905.