KONGO O NGA TAKIWA.

Matuhi, Volume II, Issue 82, 19 April 1905, Page 7

KONGO O NGA TAKIWA.

No te Take ka hori nei, araite 13, o nga ra o tenei marama, ka whakatuheratia e Te Pirimia te whare kura i Turakina, mo nga kotiro maori, i te whaikorero a Te Pirimia, ka whai kupu ia ki nga maori, mo runga mo nga mahi a nga tohunga maori, ka kii

ia "koina te tahi mahi e patu nei i te iwi uiaori, ko te tahi o nga tnea hei whakaarotanga i nainei ma nga tai tamariki maori ko te mahi ahu i te whenua, ki taku titiro kei te ahu nui ke nga whakaaro o nga tai tamariki ki nga purei hoiho, me nga mahi purei moni, me whakarere katoa enei mahi, me whai i roto i nga tapuae o koutou matua, ara me arataki kite whakamatau ki nga mahi i mahue iho ia ratau." He nui te pai o nga korero a Te Pirimia, na ko nga mea e whaiwhakaaro ana, ka kite tonu iho i te tino tika o aua kupu ana. Ko te whakamiharo nui atu mo te nei kura kua tuhera mai mo a tatau kotiro, ma tatau ma nga matua e manaaki, koia ra tenei te manaaki, ko te tuku i a tatau kotiro ki tana kura, a kia u hoki nga whakaaro o nga matua me nga tamariki, kaua e mea ka tuku i nga tamariki, kite kura mo te tau kotahi, a i te kitenga atu o nga matua kua ahua mohio te tamaiti kite titiro pukapuka, ka tangohia mai ki waho, engari te waiho atu kia pakari nga whakaaro, mete matauranga, hei kona ra ano tango mai ai. Ko o tatau hoa pakeha kei te rereke, na rate rereke, ko nga matua tonu kei te ako i a ratau kotiro kite ahua mo te whakahaere mo tona tinana, me nga mahi, a ringaringa, ara, te tiaki kahu, te horoi kahu, te taka kai, me ki e an i konei koi nei te mea nui atu hei akonga ki a tatau kotiro, ko te take kei konei te oranga mo o tatau uri a muri ake nei, hei muri atu te ako ki nga matauranga nui, engari enei take i runga ake nei hei whakaarotanga tuatahi ma tatau. Ko nga korero o te whakatuheratanga o taua whare kura i Turakina ka puta i te pepa o te ra wiki. Aperira 19.] Na Te Etita.