HUI KAUNIHERA KI ROTORUA.

Matuhi, Volume II, Issue 77, 15 March 1905, Page 3

HUI KAUNIHERA KI ROTORUA.

No te tereina o te ata nei i mahue iho ai ia Taiawhio Te Tau a Mahitaone, i Wuurupere ka ahu ki Pamutana, kei Pamutana ma te ekeperehi ki Niu Paremata, kei te

hawhe paahi i te waru (8.30 p.m.) o nga haora o te ahiahi, ka eke ki runga tirna, i te Rotoiti ka rere ki Onehunga, ka moe i te po o te Ra tapu ki Akarana, kei te tekau o nga haoro (10 a.m.) o te ata o te mane, ka rere ma runga i te tereina ki Rotorua, a kei te hawhepaahi i te ono (6.30 p.m.) o te ahiahi ka tae ki Rotorua. Ko tenei haere ana, mo runga i te tono mai a te Timuaki o nga Kaunihera, i te niea ko ia te Kai Tirotiro mo te rohe o Rongokako, koia ka hiahiatia me tae ia ki Rotorua, kite hui toopu a nga Kaunihera, no te mea ka tae a Takuta Meihana raua ko Takuta Pomare, a ka kauhau raua, ka whakatakoto hoki i e tahi ritenga hei painga mo te iwi maori, koia i maharatia ai he mea tika kia tae nga Kai Tohutohu katoa o nga Kaunihera ki reira, kia rongo i ana tohutohu a nga kia whakahaere o te " Tari whakaora mo Te Katoa." Ko te tahi o nga take nui mo taua hui ko te whakahounga, i te whare maori o Te Arawa, ara ia Tama-te-Kapua. Ko Tame Parata M.H.R. to te Kaunihera o Araiteuru, ko Tame Kirini to Mahunui, ko Taiawhid Te lan to Rongokako, ko Ihaia Hutana to Tamatea, ko Rere Nekitini to Kurahaupo kua haere ki taua hui, heoi nga tangata kua mohiotia i tenei ra. Ka riro ma Te Kawana e whakatuhera te hui, a ka tae ano a Timi Kara, Minita mo te taha maori ki reira mo taua hui, kite rongo ko tenei hui, te tahi hui nui atu. Te Matuhi. Maehe 11, 1905.