HE RETA MAI.

Matuhi, Volume II, Issue 68, 11 January 1905, Page 9

HE RETA MAI.

Kia Hori Hutana — E koro tena ra koe i roto i te tan hou, ma to tatau matua pono i te rangi

e tuku iho nga hua pai o tenei tail kia tatau ine nga hua pai o te oneone, i tangohia ake nei e Maui Potiki i te papa o te moana nui-a-kiwi e noho nei ana mokopuna i runga ahua reka ai, ara te maori raua ko te pakeha, a ko te maori kua eke tuatahi ki runga i te ika a Maui noho ai whaka ka ai i te ahi a Mahuika, no muri ka puta te aroha kite taina kite paheha, ka whai mai i te tuakana, i te Maori, a ka noho tahi ano raua, mete kai tahi i roto ite ipu kotahi, mete moe tahi i taua \va, a tae noa mai ki tenei ra, kua kiia nei ko te tau hou 1905. Ko toku hiahia kia penei tonu ake, ake, ake tonu atu. E Hu kia ora koutou ko aku hoa pakeha, maori hoki i te motu nei tae noa atu ki Te Waipounaamu. Heoi na to hoa. Na Meiha H. P. TuNuiARNGr. Ranana, Turanganui. Hanaere 6, 1904.