Mea olofa a malisi ne ’au lakapi

Mana (Auckland), Volume 2, Issue 4, 18 May 1978, Page 5

Mea olofa a malisi n e ’au lakapi

I le Aso Sana te’a nai, aso 14 0 Me, sa faia ai se tali fa’aaloalo a le fa’alapotopotoga a le Kalapu a tama tuai o Malisi Samoa i Aukilani nei i le ’Au Lakapi a tama a’oga mai Samoa o lo’o ta’a’alo ta’amilo i Niu Sila nei.

O se po matagofie tele lea po fesilafa’i, ona o le to’atele o le mamalu o le atunu’u sa ’auai. E ui lava sa iai si fa’aletonu ititi ona sa vaeluaina le ’aumalaga, ’ae na fa’ataunu’uina lava mea ’uma e pei ona sa fa’amoemoeina e le Afioga i le Peresetene a le Asosi, le Komiti ma le mamalu i le Kalapu a Malisi atoa. Sa aofia ai i lea pole Afioga i le Konesula o Samoa, Afioga a Vaimasanu’u ma le Faletua, le Tofa a Fatialofa Momo’e, o tamali’i ma failauga o le atunu’u ma le to’atele o le tupulaga e lagolagoina lenei fa’alapotopotoga. Sa faia lenei taumafataga fiafia i le Fale Talimalo o le Edinburgh Castel Hotel i Symonds Street. E le’i tagofia se ’ava malosi ona e leaga o tamaiti e a’o’oga, me le isi o le Aso Sa, ’ae sa matua fa’afiafiaina tagata 'uma o e sa 'auai i lea tali fa’a-aloalo ona o le

mamafa o le ta'umafataga sa saunia e teine tuai o Taupou Sa. O le Afioga i le Peresetene a Malisi, Afioga Savai’inaea Lino Fepulea’i, sa saunoa e

fa’afeiloa’i le malaga mamalu, ma na ia tu'uina atu le mealofa a tama tuai a Malisi o le $50.00 fa’atasi ma ]e Ipu e tausinio iai a’oga maualuluga a Samoa i a latou ta’aloga fa’a ta’amilosaga i tausaga 'uma. Ina ua mae'a ona saunoa le Afioga i le Peresetene, ona saunoa le o le Afioga a Fonoti L. Talamaivao, e fai ma sui o le 'aumalaga mai Samoa. Fai mai le Afioga a Talamaivao, “E ui lava ina ou fa'anoanoa ona ua le atoa mai le malaga pei o le vala'aulia, 'ae ia tou manatua le isi 'upu fa'a Samoa, Se mea e leaga o le fai meafa’atasimatamaiti”. Faifo'i le Afioga a Talamaivao, “O le a’ou taumafai e avatu se manatu i le fa’alopotopotoga o ta’aloga i Samoa, ina ia fa'aaogaina le Ipu lenei mo ta’amilosaga lakapi IstXV i Samoa. Sa fa’ai’uina saunoaga o le po i le saunoaga a le Afioga a le Konesula. Afioga a Vaimasanu’u Niko Apa ma ta’ape ai ina ua tale 8.00 i le afiafi.