MAOTA SAMOA

Mana (Auckland), Volume 2, Issue 2, 20 April 1978, Page 7

MAOTA SAMOA

O le Aso Sa 2/4/78 i le itula e 10 i le taeao na potopoto ai le mamalu o lo tatou atunu’u i le fanua o Samoa mo le sauniga lotu o le tu’uina ifo o le ma’a fa’avae o le Maota o Samoa. Sa muamua atu le vala’aulia ma o le afioga a le Hai KMOMESINA Mr F. Beatham ma le faletua o Christine, Afioga Konesula Vaimasanu’u ma le faletua Masela, Afioga Konesula mo fefa’atauaiga Mr Edmund Stehlin ma le faletua o Louisa, Afioga Mata’u Sio Leota, ma le faletua o Kathy Fa’ausuusu Mika Tafua sa fa’afeiloa’ina. Sa alaala ia sui o le Malo Hon. Adam Sneider, Sir Dove Myer Robinson. Mr and Mrs R. Prebble M.P., Mr Harry Demsey (Maori) ma le to’atele o sui o isi ofisa maualuiuga o le Malo o Niu Sila. Sa laulaututu le aofia ia ua taunu’u le Ao Mamalu o le Malo. Susugaa MalietoaTanumafili 11, Afioga Vaovasa Filipo (Minisita o Tupe) Susuga Papali'i Henry Hunkin ma le fa’afeao Susuga Molio’o Moli. Sa taina loa le vi’i o le Malo o Samoa i Sisifo, ma sa alala loa malo fa’aaloalogia i o latou alalafaga. O le Afioga i le Komesina Sili na saunoa e fa’afeiloa’i malo ma le ’auvala-’aulia, ma vala’auina loa Rev. Leuatea lustitini Sio e ta’ita’ina le sauniga Lotu, o le fa’apa’iaga o le Ma’a Fa’avae. Fa’asologa o le' Sauniga

(1) Upu tomua (2) Pese, O iai ua o le Manuia (3) Faituga o le Tusi Pa’ia. Pastor T. Tesese ma Rev. L. I. Sio

(4) Talosaga, Pastor T. Tesese. (5) Pese, The Church’s One

Foundatioa (6) Lauga Rev. L. I. Sio i le gagana peretania. (7) Malelega a le Susuga i le Ao Mamalu o lo tatou Malo, ma tu’uina ifo loa le Ma’a

Fa’avae. (8) Talosaga o le Fa’apa’iaga, Rev. L. I. Sio. (9) Saunoa le sui o le Malo o N.Z. Hon. Adam Schneider. (10) Pese, Lota nu’u ua ou fanau ai.

(11) Tatalo Fa’ai’u. (12) Fa’aafiolemalaga Mamalu

O le Maota o Samoa e le se manatu na a’e ananafi, a o_ le fa’amoemoe ua autausaga i finagalo o Samoa i Niu Sila. Ua fa'atele ona taumafai iai ia isi fa’alapoto potoga ma le atunu’u. E momoli atu le fa’amalo i le pa’ia i le mamalu i Samoa lotonu’u sa manatunatu loloto ma alofa i le atunu’u pele o Samoa i nei tauifiafaiga. O le J 971 na a’e ai se manatu i le sosaiete i tamali’i ma failauga, tagata ’uma o Samoa ia fa’atau fanua e lua e fausia ai le Maota o Samoa e value fogafale ’ae le atoa le miliona tala le tau. Na ioe ’uma iai Faife’au o Ekalesia uma o tapua’i ai Samoa ma le to’atele o Samoa. O lea na alu ai le savali i lo tatou Malo i le Afioga a Mata’afa Fiame Faumuina Muiinu’u 11, a’o i Aukilani. O lana malelega, “Ou te matua lagolagoina tele lenei mata’upu”. Ua leva ona fia maua se fanua o Samoa i’inei. Maumau pe ana o’o mai le savali a o a’u lea e Palemia, ’ae o mai ina susu ia Tupua Tamasese Lealofi IV, aua o ia lea o lo’o

Palemia nei. Ta’u atu lo’u lagolagoina o lenei taumafaiga. la vave se tonu ne’i te’i ua fa’atau e se isi le fanua. O lea na alu ai le savali i Samoa ma sa taliu mai ua talia. Sa sainia le siaki e $150,000 mai le Faletupe

ma fa’atau ai le fanua lea ua tu ai nei le Maota O Samoa. O tupe ’uma a Tagata na tu’uina mai fa’a mealofa, sa tu’uina atu i le Faletupe e totogi a’i le pasene o le tupe na nono mai, ’ae totogi mulimuli mai e le Malo o Samoa. O le fuaina ma le su’einao le fanua e ali’i Inisinia e $lO,OOO ma e totogi muamua ’ae le’i faia le galuega. Na tagiilima le suafa o le isi ali’i ma o le

fesoasoani a Matai ma isi Ekalesia na maua ai lenei tupe. Ona ua feto’ai finagalo o le Palemene na mafua ai ona le taunu’u. a ua uma ona pasia mea ’una e iai le Konekalate e fausia le fale.

Fa’afetai i le Ao o le Malo, Afioga a le Palmeia, Tofa a Tupuola ’Efi, Kapeneta ma le fono a le Palemene ua toe lagaina mai lenei mata’upu. E ui lava ua na o se vaega o le Maota muamua, ’ae sili le iai i lo le leai. Na o Neiafu na mele ai le to’elau nei e fa’apea ua ou melea. Le pa’ia ae o Samoa i Niu Sila ’ae maise Aukilani, lea ua tago mai lo tatou Malo e fa’atino lo

tatou mana’oga ma o lenei Maota e ’avea ma mitamitaga i so’o se Samoa. E ta’u mai ai ua mafai e le Malo o Samoa ona va’aia ona tagata. O lenei fanua ma le Maota lea o lo’o iai a outou tupe ia sa lafo, e sese ia fa’aupuga ua

inu ’uma e ta’ita’i o le fa’alapitopotoga Chiefs Orators and People of Samoa. Fa’amolemole e leai se mea fa’apena na tupu. la manuia Samoa ’uma i l.e alofa o le Atua.