SOUTH SEAS FIESTA APRIL 29

Mana (Auckland), Volume 2, Issue 2, 20 April 1978, Page 5

SOUTH SEAS FIESTA APRIL 29

Akameitaki anga maata

Te na roto atu nei i te Mana te reo akameitaki anga o te Cook Islands Students’ Association o te Auckland University, i te Chairman, ko Rev. Sio e te kumiti katoatoa o te Pacific Is ands Polynesians Education Foundation Fund, no to ratou maroiroi e te manako akamaroiroi i te tauturu anga i te au tamariki apii e aere nei kite university i Niu Tireni. Ko te tauturu maata ta ratou e rave nei, koia oki ko te ariki atu anga i te pati tauturu a te au tamariki apii university no tetai moni ei tauturu ia ratou i te va e aere nei ratou kite apii. Ko te maata anga o te au

tamariki Kuki Airani e aere nei ki te university i Akarana na ratou rai, me kare na to ratou au metua e tauturu nei i ta ratou apii. Kare oki na te kavamani. Te riro nei teia tu ei apai anga tumatetenga kite tamariki e pera katoa kite au metua. Inara, kua riro teia tauturu anga na te kavamani e tetai o te au enua no te tua Patipika ei tauturu i te akakoroanga o teia au tamariki. Penei i te aura ki miia ka maata mai te tauturu a te iti tangata i ta tatou au tamariki e aruaru nei i te marama ou kia riro mai ratou ei tauturu i a koe a te au ra ki mua. Te aere katoa atu nei te

akameitaki anga a te Cook Islands Students Association kite kumiti Kuki Airani, koia a Mr Rea Kautai Jnr, no tana akamaroiroi maata kia aruaru te tamariki Kuki Airani i te akapuapinga anga i teia tauturu tei tukuia mai no ratou ki runga i ta ratou akono anga apii.

Te irinaki nei te Cook Islands Students Association, e kia maata ua atu rai te maroiroi e te tauturu a te Atua ki teia au metua manako meitaki e te karapi kore, i to ratou tuatau no te oraanga o te au mapu te ka riro mai eu paupau tuatau i te aura ki mua.