Manumalo Grey Lynn Ta’amilosaga 'Autalavou

Mana (Auckland), Volume 1, Issue 14, 9 February 1978, Page 1

Manumalo Grey Lynn Ta’amilosaga 'Autalavou

I le Aso Gafua o le vaiaso na te’a nei na fa’ai’uina ai ta’aloga a ’Autalavou sa faia i le malae o Grey Lynn Park. Sa matua tumutumu lava i le mamalu o le atunu’u e le gata i ’aulotu sa a’afia ai i ia

tauvaga, ’ae sa fa’apea fo’i i tagata ta’ito’atasi sa fia maimoa ona o le tele o ta’aloga ma nisi fo’i o fa’afiafiaga sa lanu ’ese’ese ai lea aso. Sa leai lava se mea sa fa'aletonu i le polokalame sa

fuafuaina mo la aso tu’ufa’atasi o ’autalavou. Sa solo lelei ’uma le fa’agasoloina o ta’aloga, o le itu fo’i i le tausiga o le tino, sa matua fa’atumulia le ’ele’ele i fale’aiga sa maua ai so’o se taumafa Samoa, toe taugofie fo’i.

Oe le afioga i le Pulenu’u o Aukilani, Sir Dove Myer Robinson, le afioga i le Konesula o Samoa, Vaimasanu’u ’Apa ma lona Faletua, le susuga i le ali’i Faipule o Mt Eden ma lona Faletua, Mr and Mrs Malcolm, o malo fa’aaloalogia ia sa vala’aui e tufatufaina fa’ailoga, ma tusa o le ta o le valu i le afiafi fa’atoa fa’ai’u ta’aloga ma tufatufaina ai loa fa’ailoga. O nisi la nei o fa’ai’uga o ta’aloga sa tauva iai ’autalavou i lea aso:

Moliagafu’a a Tama’ita’i, tutusa P.I.C. i Newton ma Onehunga. O tu’uga tamo’e a tama’ita’i, 800 mita, 400,200, 100 mita, sa manumalo ai le tama’ita’i ma le Autala-vou a Mangere i ia ta’aloga ’uma. Kirikiti, manumalo ia le ’au a New Lynn, o le fa’atoa ofi lea le ’autalavou a New Lynn i ta’aloga. O lona lua Mangere, ’ae tu tolu North Shore. Savali, 1 Aukilani Samoa,

2 New Lynn, 3 Henderson. Toniga, I Aukilani Samoa, 2 New Lynn. O le tu’uaofa’iga la o togi, ua manumalo ai nei Aukilani Samoa ma ua latou mauaina le talita o lenei tausaga. Lona lua ia P.LC. Newton, ua latou maua le ipu, ma le tulaga tolu ua mauaina e le ’autalavou a Mangere Samoa o le ipu fo’i ua latou maua. Afai ua le maua so tou

tulaga i lenei tausaga. ia tuamafai mo lea fo’i tausaga pe a aulia ina ia o’o atu iai ua lava le sauniuniga o lau ’au.