Ko ha Tohi Talanoa Mei Tonga

Mana (Auckland), Volume 1, Issue 14, 9 February 1978, Page 7

Ko ha Tohi Talanoa Mei Tonga

“PO FANANGA”: Fa’u ’e Tupou Posesi Fanua: Pulusi ’e he Tofua Press

Oku tautautefito ki he kakai Tonga kuo nau hiki 'o nofo muli 'a ’e nau fiema’u ha ngaahi tohi fekau’aki mo Tonga pea 'oku matu’aki fakafiefia ke ma’u ha tohi talanoa mei Tonga 'o hange ko e 'Po Fananga 'a ia oku pulusi mei San Diego, California ’e he kautaha ko e Tofua Press.

Ko e tohi ni ko e ngaahi fananga e hongofulumaua kuo fili mo fokotu’utu’u ’e Tupou Posesi Fanua (mali O Toketa Posesi Fanua). 'Oku fakataha’i ai pe he tohi ni hono liliu e ngaahi fananga kotoa ki he lea faka-Pilitania. 'I he 'ene pehe ’oku mahino mai e fu’u 'aonga ’aupito ’eni ki he kakai Tonga nofo muli oku nau fakamiuminoa nai ki he kuohili ’i Tonga 'o nau manatu ki ha ngaahi po fananga he’e nau kei tupu hake. 'Oku ngaue 'aki ’i he tohi ni e lea faingofua 'o tatau pe ’i he lea faka-Tonga mo e lea fka-Pilitania, pea 'e ’ikai faingata’a’ia ai ha taha 'oku ako laukonga he ongo lea ni. 'Oku ’i ai foki mo e peesi 'e tolu ko e ngaahi fakahinohino ia ’o e ngaahi lea motu’a 'oku ngalingali e ikai ke mahino ki he kau akoako lea fakaTonga.

Ko e ngaahi fananga ni ko e ngaahi talanoa motu’a pe ka 'e manakoa 'e ha taha ’oku ne fie ’ilo mo fakamanatu e

ngaahi me’a ne tupu hake mo ia ’i Tonga pea ’oku ngalingali "e 'ikai ke to ma’u ha faingamalie ke to e ako mo fakamanatu’i ai. 'Oku ha mai mei he takafi 'o e tohi nine ma’u tokoni ’a Tupou mo e Kautaha pulusi mei he matu’a Tonga ’i Amelika hange ko Sio Mangisi pea mo Seini mo 'etuini Kelemeni. Ko e mahu'inga e tohi ni ko

e $7.30 pea ko e silini mole ’aonga eni tautautefi to kapau ’oku ke loto ke ’oango ki ho famili pe kaume’a ha konga ’o e mo’ui faka-Tonga pea ’i he kaha’u ’oku ta’epua foki pe teke kei manatu'i e ngaahi fananga ni lolotonga ho’o mama’o mei Tonga. 'Oku ma’u e tohi ni mei he Polynesian Bookshop 336 Ponsonby Road, Ponsonby.