Kua Puapingaia ta Ratou Apii

Mana (Auckland), Volume 1, Issue 14, 9 February 1978, Page 5

Kua Puapingaia ta Ratou Apii

E mataora maata tei rauka i rotopu i nga metua o teia au tamariki nei koia a; Alice Tunui, Mata Tunui, e to raua tungane ko Tunui mamaiti. Ko Alice (18) raua ko tona teina ko Mata (17), kua rauka ia raua e rima a raua apii no ta raua University Entrance Exam. Kua akakite mai oki tetai o te puapii i Tokoroa High School e ko te nga tamaine Kuki Airani mua teia i tae ta raua apii ki teia tu ngateitei, koia oki kite tuanga o te U.E. Kare ko te openga ua teia kite rekareka anga o teia nga metua no runga i te apii a ta raua anau. Ko ta raua tamaiti ko Tunui junior (15) kua pati aia e a

(4) peapa no tana School Certificate Exam. Kua manako tikai nga metua o teia tamaiti e kare ta tamaiti e puapingaia, no te mea kare i pou iaia tetai 4 mataiti ki Niu Tireni nei. Kua manako atu a Alice raua ko Mata no te aere atu kite Auckland University me akaoti mai raua i ta raua apii i roto i te Form 7. Ko ta raua apii e manakonako nei koia oki e B.A. i roto i te History e te English. Penei te vai nei tetai manakonako anga i rotopu ia raua no tetai apii ke atu mei i te puapii e te tata tua no au nuti peapa. Ko teia anau na, Mr Dennis Tunui raua ko tona tokorua ko Mata Tunui o Tieke Place o Tokoroa. E tuaine oki a Mrs Mata Tumui no to tatou orometua ko Rev. Lucky Mave i Akarana.