Taute Mena Fiafia ha Niu Silani

Mana (Auckland), Volume 1, Issue 14, 9 February 1978, Page 4

Taute Mena Fiafia ha Niu Silani

Ko e taute mena fiafia fakahiku ha Niu Silani (New Zealand International Athletic Series) ne fakafita ki ai e tau samupiani taute feua fiafia mai he tau motu ko Amelika, Sihamani Lalo, Polani, Italia, Ausetalia, Panama, Jamika, Kenya, Ireland, mo Pelitania, ne fakahoko ai ke he male taute mena fiafia lahi ha Aukalana ko Mt Smart Stadium he ua faahi tapu kua mole, ne to lahi e fulufuluola he kitekite atu ki ai. Ko e tokologa he tau tagata ne tolo atu ke he male he aho ia ko e molea e 20 afe. Ne tokologa e tau tagata ne o atu ke kitekite ke kitekite he samupiani ha lautolu John Walker ka fepa mo e samupiani ha Ireland ko Eammon Coghlan ha ko e mena ko e lagaua ia e mui a Walker he tau tufi fakahiku ha laua. Ha ha i ai foki e falu a tufi loloa ne taute ai mo e fuluola foki he kitekite.

Ko e tufi he 10,000 m ne mua kehe e uli mai i Kenya ko Henry Rono. Ne lali a Rono ke foli he matakai he lalolagi he poi tufi loa nei ka e to kelea ni he ai fai tagatai makaka mo e manava lahi ke| fakatau-poi mo ia. Tokologaj e tagata ne poi he tufi ia ka e taha e mena ko e lolelole ti poi tokotaha ti au atu foki e mua atu ai. Pehe a Rono mogo ne oti ai e poi, ko e toi lahi e ogoogo noa haana hei poi tokotaha ti atu atu foki ej fakatuai haana he malolo lahi e matagi he taha faahi he male.

Ko e tufi 5,000 m ne poi ai e tokoua e samupiani ha Niu

Silani ko Rod Dixon mo Dick Quax, ne kautu a Rod Dixon ka e fakatuai e taimi haana he fakatai atu ke he tufi he tapu fakamua ne mui foki a Dick Quax he poi mo ia. Pehe a Dixon ko e lali a ia ke foli he matakai he lalolagi ka e taha e mena ko e fakatuai e tau poi he tau faoa ne tufi mo ia. Manatu a ia ke poi tokotaha he magaaho ne toe ai e 8 e launi ke poi ai ka e taha e mena ko e hopoase a ia neke osi tuai e manava poke lolelole ka e nakai la hoko ia ke he fakaotiaga. Ko e samupiani ne toka ai e matakai nei kb Dick Quax ka e nakai malolo mitaki a ia he poi he aho ia.

Ko e samupiani poi 800 m ha Amelika ko e fifine ko Mary Decker ne mua tumau a

ia he tau tufi oti haana he motu nei. Kua amaamanaki foki pehe to uka lahi foki a ia ke mui he tufi he 800 m ka fepa ai moe tau samupiani he lalolagi. Ko e matapatu he ata he aho ia ko e poi tufi maila he tau samupiani ko John Walker ha Niu Silani (ko ia foki ne toka ai e matakai he lalolagi he maila) mo Eammon Cogglan ha Ireland. Ne tokologa e faoa ne fakatau tufi mo laua ka e tokoua ni e tagata ne mamata e faoa kitekite ki ai ko Walker mo Coghlan. Ne fetaumuitua-aki a laua he tufi ato hoko ke he 300 iata ne toe ke he fakaotiaga ko e mavete a ia ha Walker mo e fano he katoa. Lali a Goghlan ke fakatata tumau ki a Walker ka e mafiti fakahaga ni a Walker he fano. Age he katoa e tau poi ha Coghlan ka e ai fai mena ia — ko e matohotoho ni a Walker he fano ati mua kehe atu ai.

Ko e samupiani poi male ku foki ha Jamaica ko Don Quarrie ne fakatumau haana mua he poi tufi he 100 m mo e 200 m. Hanei kua tohia mai i lalo e tau higoa ha lautolu ne kautu he taute mena fiafia he aho ia mo e tau taimi foki he tau poi tufi kehekehe: TAU TAANE 100 m: D. Quarrie (Jamaica) 10.765, 1; P. Narracot (Aust.) 10.81 s, 2; G. Henley-Smith (N.Z.), 10.995, 3. 200 m: Quarrie, 21.355, 1: Henley-Smith, 21.815, 2; M. Cumberpatch (NZ), 22.655, 3.

400 m: B. Smith (NZ), 47.615, 1; J. O’Sullivan (Aust), 47.965, 2; S. Gee (Aust.), 48.785, 3. 800 m: C. Grippo (Italy), Im 48.55, 1; S. Kipkurgat (Kenya), Im 48.75, 2; A. Stark (NZ), Im 50.15, 3. Mile: J. Walker (NZ), 3m 56.45, 1; E. Coghlan (Ireland), 3m 57.45, 2; A. Paunonem (Finland), 3.585. 2s, 3. 5000 m: R. Dixon (NZ), 13m 28.55, 1; V. Otis (Italy) 13m 40.85, 2; D. Quax (NZ), 13m 53.75, 3. 10,000 m: H. Rono (Kenya), 27m 48.65, 1; J. Hermans (Holland), 28m 50.25, 2; D. Uhleman (West Germany), 29m 7.45, 3. 3000 m steeplechase: B. Malinowski (Poland), 8m 33.25. 1; E. Robertson (NZ), 8m 33.85, 2; M. Karst (West Germany), 8m 39.45, 3. Pole valult: W. Buclarski (Poland), 5.20 m, 1; T. Slusarski (Poland) and D. Baird (Aust.), 5.00 m, equal 2. Shot put: W. Komar (Poland), 19.88 m, 1; H. Smith (NZ), 16.72 m, 2; K. Faile (NZ), 16.44 m, 3. TAU FIFINE 100 m: A. Richter (West Germany), 11.795, 1; W. Brown (NZ), 11.995, 2; K. Robertson (NZ), 12s, 3. 200 m: Richter 23.85, 1/Robertson 23.955, 2; Brown 24.385, 3. 400 m: I. Szewinska (Poland), 52.635, 1; B. Nail (Aust.), 53.265, 2; .R. Waithera(Kenya), 53.685, 3. 800 m: M. Decker (USA), 2m I.Bs, 1; M. Chimweno (Kenya), 2m 3.25, 2; C. Kalperckz (Poland), 2m 4.85, 3. i 1500 m: A. Wright (NZ) 4mi 14.45, 1; G. Dorio (Italy), 4m 16.25, 2; J. Healey (NZ) ,4m 18.95, 3.