Faka’eke’eke He Mole ’Ae Tokomea

Mana (Auckland), Volume 1, Issue 13, 26 January 1978, Page 1

Faka’eke’eke He Mole ’Ae Tokomea

’Oku ikai ko ha fakalangamamahi ki he ngaahi famili ko ia oku huki tonu ai e faingata’a ni ka ’oku totonu ke fai ’e Pule’anga Tonga ha faka’eke ’eke fakapule’anga ki he fu’u mole koia na’e hoko he fakatu’utamaki ni.

Kuo te'eki ai ke maau ha tala fekau’aki mo e vaka ni ka oku ha mei he ngaahi ongoongo kuo 'osi ma'u na’e 'iai e ngaahi fakakaukau fakavalevale mo ta’e fakapotopoto 'e he fa'ahinga ko ia ne nau fakalele ’a e vaka ni. ’Oku to e "i ai foki mo e me’a 'oku ha mai mei he ongoongo kuo ma’u mai ko e vaka ni ia na’e totonu ke 'oua ’e tukuange pe fakangofua ke folau he ’ene folau fakamuimui he ta koe na’e 'osi toka koa ia 'i ongo Niua

ki mu’a pea toki tau hake ki Vava’u. Ko e fetu’utaki fakavahefonua 'a Tonga ’oku meimei fai kotoa pe ’e he folau tahi pea 'i he ’ene pehe oku 'i ai e totonu ke matu’aki tokanga e Potungaue 'a e Pule Taulanga ki hono sivi e ngaahi vaka uta pasese pea pehe foki mo e kau fai folau. ’Oku 'ikai ko ha me’a fo'ou e fakatu’u tamaki ’i tahi ka 'oku fakalelu ngofua ki he kainga ’o kapau ko e pule ia a Natula pea ne 'osi fai e ngaahi fatongia kotoa peke matatali ha ngaahi fakatu’utamaki ka hoko. Ka fai ha faka’eke’eke faka-pule’anga, ’e mahino ai pe ko e ha e 'uhinga ne 'ikai Hoko atu peesi 3