Amataina Fa’amasinoga, Va’alele Pa’u Pago Pago

Mana (Auckland), Volume 1, Issue 13, 26 January 1978, Page 7

Amataina Fa’amasinoga, Va’alele Pa’u Pago Pago

“O le pa’u o le va’alele o le Pan American i Pago Pago, o se fa’alavelave na fa’ataunu’uina ma le mautinoa e le Kamupani ma le ’auva’a, ona o lo latou le tausisi ma le le fa’ataunu’uina o latou tiute tau’ave” O le ta’utinoga lea a le aii’i Loia. 1 le Aso Faraile o le vaiaso na te’a nei, na amataina ai le fa’amasinoga o le Kamupani Va’alele o le Pan American e

tusa ai ma tagi fa’asaga i le kamupani mai aiga o e na maliliu i le va’a na pa’u i Pago Pago. O le aii’i Loia mai Aukilani, o Mr Cathcart, o ia lea o lo’o fai ma sui o aiga mai Niu Sila i le fa’amasinoga o le US District Court i le moliaga fa’asaga i le Pan American, i le fa’alavelave lenei natupu i le 1974. O se fa’amatalaga ta’utino a le aii’i Loia lenei na tu'uina atu i luma o le fa’amasinoga fa’apea, "E tusa ai ma le molimau na mauaina i se masini e fa’a maumauina ai le fa’asologa o le fa’aaogaina i masini e ’aveina ai le va’alele, (Black Box) ua aliaii mai ai le tele o mea sese, ma tulafonojno le puipuiga, e le’i fa’a aoga ina e le aii’i pailate ma lana ’auva’a a’o ifoifo atu le va’a mo le tu ‘ lau’ele’ele i le malae i Pago Pago. OJenei va’a na malaga atu i Aukilani mo Pago Pago i le po

ole Aso Tofi, 300 Fepuali ile tausaga e 1974. E to’a 101 le aofa'i o le ’au malaga na maliliu ’uma'ae nao le to’afa na fa’aolaina mai ai i lenei fa’alavelave mata’utia. O tagata Samoa e to’a sefulu tasi na malaga ai, na maliliu ’uma.

Sa faitioina e le aii’i Loia lenei o Cathcart ma le Kamu-pani Va’alele le malae i Pago Pago, ma fai mai latou, o le "Lua Pogisa" ma ua fa’ato’ai nei fo’i la i le

fa’amasinoga le tagi ale Kamupani Va’alele fa’asaga aga’i i le Matagaluega o le Malo o Amerika e pulea femalaga’iga i le ’ea, (US aviation authorities) ona o lo latou fa’a aoga ina o masini ua le talafeagai lelei mo le fa’a tu lau’ele’eleina o va’alele. Na ta’u atu e le aii’i Loi i fa’atonu e to’a ono i le fa’amasinoga, le fa’atamala o le aii’i pailate i le le lelei ona ia taotao le va’a a o fa’aifoifo ane i le malae i Pago Pago. Fai mai fo’i a ia, "O le aii’i paiate o Mr Leroy Peterson, sale lava se taimi e toe a’oa’o ai, ona e 132 aso na to’esea mai ai i le galuega.

O le tasi o molimau a le aii'i Loia o Cathcart, ona o le le mafai e le Ofisa o le tau a Amerika i Pago Pago, ona logo atu i le aii’i pailate le toefesuia’iga fa’afuase'i o ala matagi ma le leaga o le tau a o sauniuni atu le va’a e tu lau’ele’ele. O le aii’i o Daniel cathcart o lo’o fai ma sui o aiga e luasefulu ono mai Niu Sila i le fa’amasinoga, e faitau miliona tala le tupe o lo’o fa’ata’avili ai. O le aii’i fa’amasino o Judge Matthew Byrne o lo’o fa’amasino ina lea finauga, ma ua fa’amoemoe o le taimi o le a alu i lenei fa’a masinoga tusa ma le ono masina. Ua ’uma ona tofia fa’atonu i ni vaega e sefulu lua, ona e iai le popole ina ne’i fa’ama’amulu nisi fa’atonu i le taimi a o lo’o faia pea le fa’amasinoga. O le vaega muamua o le su’esu’ega, o le taimi ua ifoifo atu le va’a i le malae e o’o i le taimi na tupu ai k fa’alavelave. O le vaega lene: ua fa’amoemoe e fa’amae'aina i le tolu masina. O lona lua o vaega, o k su’esu’eina o totoga o It va’a, o masini e fa’a aoga in; mo le tu lau’ele’ele o It va’alele, o le tulaga mata’uti; i le taimi o le fa’alavelave, m: le afi na sasao i totonu o 1 va’a ina ua palasi m malepelepe.