Fa’atuina se YMCA mo Samoa i Sisifo
O le susuga a Mr Dennis Oliver, o ia lea o le Failautusi fesoasoani i YMCA i Niu Sila, ua tofia nei mo le fa (4) tausaga e galue ai i le fa’atuina o se YMCA i Samoa I Sisifo. O lenei vala’aulia o le susuga a Dennis Oliver, talu ai ona o le talosaga a le Malo o Samoa mo le fia fa’atuina o se YMCA i Samoa, ia pei o le fesoasoani a Niu Sila o lo’o iai nei i Fiti. Na talia ina e le fa’alapotopotoga a YMCA i Niu Sila se talosaga mai Kalapu a 'Au Talavou i Fiti mo se fesoasoani i le tausaga e 1971. O lea na 'auina atu ai Dennis Oliver ma na amataina loa ona a’oa'oina galuega amata. I le taimi nei, tusa ma le 22 tagata ua faigaluega ai nei fa’asoloatoa.
Ina ua toe taliu mai le susuga a Oliver i Niu Sila ia Me i le tausaga na te'a nei, sa asiasi atu loa i Samoa fa'atasi ma le Failautusi Aoao a YMCA i Niu Sila, le susuga lea a Peter Darracot, Sa fai le feiloa'iga ma sui mai fa’a-lapotopotoga e iai 'Autalavou mai Ekalesia 'ese'ese, Apia Rotary Club, Mata'upu tau ta’aloga ma aganu'u, ma le Minisita mo le 'Autalavou, fa'apea fo’i ma isi fa’alapotopotoga o e latou te lagolagoina le fia fa’atuina o se YMCA.
Ua autasi nei la le finagalo o le Malo o Samoa ma Fa’alapotopotoga, fa'atasi ma le YMCA i Niu Sila mo le fa’atuinao sea fesoasoani mo tupulaga talavou o Samoa i Sisifo.
Fai mai le aii'i o Dennis,
"Ou te mautinoa o le a leai se fa’afitauli i le amataina o le galuega, aua ’oute mautinoa e leai tele se ’ese’esega ma le galuega i Fiti" fai mai fo’i a ia, "E iai ia ’ese’esega i va o atunu’u, ’ae maise lavale itu i le galulue fa’atasi. O le itu la lea, e malosi atu ai Samoa i Io Fiti, O le tala lea a le aii’i o Dennis.
E leai se tupe a le Malo o Samoa e alu i le totogi ina o Dennis Oliver, aua e totogi lava e le YMCA a Niu Sila ia Dennis i le 4 tausaga o le a galue ai i Samoa ’Ae afai e 'umi se taimi e mana’omia mo le galuega, o le a ’ou taumafai fo’i ia ’umi se taimi ’ou te nofo ai i Samoa. O le tala lea a Dennis.
Permanent link to this item
https://paperspast.natlib.govt.nz/newspapers/MANAK19780126.2.18.1
Bibliographic details
Mana (Auckland), Volume 1, Issue 13, 26 January 1978, Page 7
Word Count
417Fa’atuina se YMCA mo Samoa i Sisifo Mana (Auckland), Volume 1, Issue 13, 26 January 1978, Page 7
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in