Ko Papa Puia Puia
Kua tae mai teia metua tane ki Nu Tireni nei i te mataiti 1947. Ko te tuatau mua teia i akamataia ei te Kuki Airani i te aere tatakitai mai ki Nu Tireni nei. I te mataiti 1963, kuarirote apii a tana au tamariki, ei akamaroiroi i tona manako kia tomo atu ki roto i te Kumiti Akaaere Apii o Richmond School. E tai mataiti i muri mai, 1964, kua riro mai aia ei Chairman akaaere. Te noo nei rai aia ki runga i teia taonga i teia tuatau.
Ko tetai apinga maata tana i rave no teia apii, koia oki ko te pati anga pakari kite Kavamani kia akamaataia teia apii. E rua rai eka i teia apii i taua tuatau ra. I teia nei kua akamaataia teia apii. Kua riro katoa tana tamaki anga kite Kavamani ei ravenga akakite kite Kavamani kia akatu atu i tetai apii ki Ponsonby, koia oki te Intermediate School, ei akamaata atu i te ngai apii no te tamariki. Te maara nei iaia tetai au tamariki rongonui tei aere atu ki Richmond School, mei ia Bryan Williams (te tamaiti tueporo), ko Toni Williams (te tamaiti imene no Rarotonga), ko Harry Miller (e ona mirioni tei Australia).
Ko te irinaki anga maata o Papa Puia, kia akaaiteite te Kavamani i tana akonoanga i te Papa’a ete iti tangata o nga pa enua katoa. I tetai tua, te akaaiteite nei te Nu Tireni i ta ratou akanooanga mei ta tetai au enua o vao, i te akavaavaa anga i te iti tangata kere-kere. Kare ra teia e tupu i roto i tona ngakau. E tangata mou Atua katoa aia. E Tiakono i roto i te akono-anga a te Pacific Islands Presbyterian Church. Kua riro te Atua ei tauturu nona i te aura mua i tae mai ei aia ki teia enua. E noo ana a Papa Puia ki Anglesea Street i Ponsonby. Kua noo aia ki taua are rai mei i mataiti 1957 mai. Ei akairo i teia noo anga ki reira, kua tanu aia i tetai pu-tipani i taua mataiti rai. Penei ko te pu-tipani maatamaata rai teia i Akarana nei. I nga ra maana, ka uua mai aia i te pua tipani teatea e te rengarenga. Te inangaro maata o Papa Puia, kia riro te maata anga o te uki ou no te Kuki Airani ei uki akamaroiroi, na roto i te pae angaangaapii. Okotai oki ana tamaine tei rauka mai iaia tana University Entrance
Permanent link to this item
https://paperspast.natlib.govt.nz/newspapers/MANAK19780126.2.12.2
Bibliographic details
Mana (Auckland), Volume 1, Issue 13, 26 January 1978, Page 4
Word Count
416Ko Papa Puia Puia Mana (Auckland), Volume 1, Issue 13, 26 January 1978, Page 4
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in