Tupe Fakafiafia Kilisimasi he Star
Ko e tau tau oti ne fa mahani e Nusipepa ne higoa ko e Star ke taute e taha kumi tupe mo lagomatai ki a lautolu ne momotua, fuakau, mo e kikioka. Ko e higoa he kumi tupe lagomatai nei ko e Tupe Fakafiafia Kilimasi he Star poke Auckland Star Christmas Cheer Fund. Nakai ni ko e tupe hokoia ka foaki atu ka ko e ha mena he tau mena kua manatu e tau tagata to fiafia a lautolu ne matematekelea ke moua. Ti ko e tautau oti kua mahani ni e tau tagata ke fakafano atu, fakahu atu. poke ta atu ni e lautolu e tau tupe mo e tau afifi ke he Koloa Fakafiafia Kilisimasi he Star. Ko e ofisa ha ia ne toka i Shortland St he taone poke fakahu atu ke he “Christmas Cheer”, P.O. Box 3697, Auckland. Pule ni a koe, ko e fakailoa age e higoa haau poke nakai. Taha e patu fifine ne mate he tau nei ne mavehe mo e toka e ia to mate e tupe ko e $825.00 ke foaki atu ke he Koloa Fakafiafia Kilisimasi nei. Ko e magahala ne moui a ia, ne fai mena fakaalofa hokoia a ia ne foaki age ke he Koloa Fakafiafia Kilisimasi
he Star. Pehe e talahauaga haana to mate, ko e mena kua aoga lahi ni ke foaki taha mena fakaalofa ma e matagahua nei ha ko e taha puhala ha ia ke fakafiafia aki a lautolu ne kua momotua mo e faukau mo e kikioka. Ko e matakai ne foli ki ai e Koloa Fakafiafia Kilisimasi
he tau nei ko e $15,000.00. Ti ko e matasepu kua hoko ki ai he tapu kua mole ko e $5,731.06 — loa agaia e puhala ke hoko ke he mena ne foli ki ai. Kaeke kua manako a koe ke lagomatai kua ataina ni e puhala.
Permanent link to this item
https://paperspast.natlib.govt.nz/newspapers/MANAK19771225.2.47
Bibliographic details
Mana (Auckland), Volume 1, Issue 12, 25 December 1977, Page 7
Word Count
316Tupe Fakafiafia Kilisimasi he Star Mana (Auckland), Volume 1, Issue 12, 25 December 1977, Page 7
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in