E toru no te Kuki Airani mai
E apii tetai e rave ia mai nei i raro ake i Hamilton no runga i te katirianga e te mateanga tangata tei tuatua ia i te reo papaa e, "fertility and mortality". Eapiiangate ia kia kite te au aronga tangata tei aere atu ki taua apiianga nei i te au mea ta te iti tangata papaa e rave ana me tata ratou ma te akapapa i te ia au apinga nei ke roto i tetai au puka akapapaanga ingoa tangata anau ou mai e te tangata mei te mate ua atu ra.
Kua akamata te ia apii nei i te ra 7 no Noema nei i pou ua ake nei. e ka akaoti oki tei reira a te ra 16 no Titema nei. 1 roto i te au aronga tangata tei aere atu ki taua apiianga nei e toru o tatou no to tatou pa enua Kuki Airani mai. E rua no roto mai i te tipati ani angaanga no te akapapaanga numero no runga i tetai ua atu
au apinga te ka tau kia tare ia, e, e tai no roto mai i te tipatimani no te ngai angaanga rapakau maki. Kua matau tatou i te kite ia ratou i Rarotonga. Ko Mama Arapo John e Mama Rua Pierre no te tipatimani mai raua no te akapapaanga rekoti. Ko Papa Ngari Munokoa no te tipatimani mai a ia no te ngai angaanga rapakau maki.
Me oti ake te ia apii nei ka oki atu ratou kite pa enua Kuki Airani no te taangaanga atu i te kite tei rauka ia ratou no roto mai i taua apiianga nei. Te aere atu nei ta te Mana akameitakianga ia ratou e te pure atu nei te Mana no ratou no te au tuatau ki mua. Kia manuia i roto i te ingoa maata o te Atu ko lesu Mesia.
Permanent link to this item
https://paperspast.natlib.govt.nz/newspapers/MANAK19771225.2.37
Bibliographic details
Mana (Auckland), Volume 1, Issue 12, 25 December 1977, Page 6
Word Count
316E toru no te Kuki Airani mai Mana (Auckland), Volume 1, Issue 12, 25 December 1977, Page 6
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in