Matakau Fakatonu Kupu he Fakafiliaga
Ko e tau tagata momotua lilifu he motu ko Niu Silani, kua maeke ke hoko atu e poaki ki a lautolu ke eke mo taha he matakau fakatonu kupu he Fakafiliaga (Jury). Nakai amaamanaki ke aofia tumau a koe ke he matakau nei, ka e kaeke ke hoko atu e poakiaga ki a koe ti kua lata ke manamanatu a koe ki ai pehe, ko e haau a lagomatai ke he tau gahua ke kautu. Ko e matakau nei ko e faoa toko hogofulu-ma-ua kua poaki ki ai ke huhu atu ke he Fakafiliaga ke lagomatai ke fakafili e tagata kua lago ki ai taha hokotaki. To fanogonogo fakamitaki a lautolu ke he aga he hokotakiaga ke he tagata mo e tau fakamatalaaga mai he
tau tagata fakamooli ti pihia foki mo e fakamatalaaga he loea ne lagomatai ke he tagata ne lago ki ai e hokotaki. Ka mole ia ti o atu ai a lautolu ke he taha poko kehe i loto he Fale Hopo mo e fakatutala mo e fifili ke he tau fakamatalaaga ne logona e lautolu mai i loto he fakafiliaga hagaao ke he hokotakiaga. Kaeke ni kua katoatoa ai e tau manatu po ke fifiliaga ha lautolu ke he taha e manatu, ko e agahala e tagata poke nakai, ke he hokotaki kua lago ki a ia, ti liliu atu a lautolu ke he • Fakafiliaga mo e fakakite atu ke he Iki Fakafili e fifiliaga ha lautolu, ha ko e Iki Fakafili ni ke fafati e fakahala.
Ko e tau higoa ha lautolu
ke tuku ki loto he fakamauaga he tau higoa ke lata mo e matakau nei, ko e mena fa mahani ke taute he tau tau tolu ka mole atu e viliaga lahi he motu. Ko e puhala kua taute aki ko e fifili toho kala-pepa (ballot) mai he pepa kua tohia ai e tau higoa he tau tagata vili he motu. Ti kaeke ni ke moua e ihigoa haau ke he tau kala pepa ia, to moua ai e koe e fakailoaaga he meli kua fakailoa atu ki a koe kua tohi tuai e higoa haau ki loto he fakamauaga higoa he matakau fakatonu atu ke he fakafiliaga ke he tau tau tolu i mua, ti kua lata ke nofo mo e amaamanaki a koe he neke hoko atu taha poakiaga ki a koe ke hu atu ke he taha fakafiliaga he tau tau ne tolu i mua.
Kaeke ke moua e koe e fakailoaaga ke fina atu ke he fakafiliaga ti fakailoa e koe ke he pule gahua haau to maeke ia ia ke fakaata a koe ke fina atu ke he fakafiliaga. Kaeke ke nakai maama e mena haau ke fano ki ai ti vilo he telefoni ke he tagata ne fakamooli e tohi ne ta atu ki a koe ke huhu ki a ia. Ko e mena mahani foki ke nakai talia falu ke hu atu ke he matakau nei kaeke ko lautolu kua mahani mo e tagata kua lago ki ai e hokotaki, ha ko e kakano neke nakai tonu e tau fifiliaga ha lautolu. Manatu, kaeke ke moua e koe taha tohi fakailoaaga ke hoko atu a koe ke he fakafiliaga ke eke mo taha he faoa fakatonu kupu (jury) ti aua fakateaga a koe ka e kumi atu ki a lautolu ne iloa kaeke ke nakai maama.
Permanent link to this item
https://paperspast.natlib.govt.nz/newspapers/MANAK19771124.2.2.1
Bibliographic details
Mana (Auckland), Volume 1, Issue 11, 24 November 1977, Page 1
Word Count
566Matakau Fakatonu Kupu he Fakafiliaga Mana (Auckland), Volume 1, Issue 11, 24 November 1977, Page 1
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in