Uipaanga Kuki Airani

Mana (Auckland), Volume 1, Issue 11, 24 November 1977, Page 7

Uipaanga Kuki Airani

1 te po Paraparau ra 17 no Noema nei kua rave ia tetai uipaanga maata na te iti tangata Kuki Airani kite are pure i Edinburgh St i te taoni i Akarana. Ko te akakoroanga maata o te uipaanga ko ia oki ko te akarongoronganga atu te iti tangata i tetai au tuatua ou no te pa enua Kuki Airani mai mei roto mai i te vaa reka o Papa Arapati Enere. Moumou tikai i tei reira uipaanga no te mea kare i tere atu i tai anere tangata tei tae atu ki taua uipaanga nei. Ko te tumu oki i karanga ei te Mana e, kua kaimoumou ia taua uipaanga nei no te mea oki e maata te au tuatua manea e te puapinga katoa tei tau no tatou te iti tangata Kuki Airani i ko nei e oti ake ra kare te maataanga ia tatou i akarongo tikai mei roto mai i te vaa reka o Papa Arapati. Kua ruti koe me kare koe i tae. Tetai au tuatua puapinga tana i akakite mai i taua po nei ko ia oki, te mea mua, ko te tuatua no te akamaarangaanga i te pirianga i rotopu i te patireia Kuki Airani e te pa enua Vaii. Kia rave ia te ia i roto i te au matajti katoatoa e i roto i te marama ia Tiunu mei te ra 4 kite ra 11. Kia rave ia tetai au angaanga mamaata mei te pure, kaikai e te tamataora kapipiti te iti tangata Vaii e te iti tangata Kuki Airani ki Onoruru no tetai aura, me kore tuatau poto. Kia aere atu tetai tere. tangata Kuki Airani mei to tatou pa enua ki reira ei akaari i te ngateitei o te ia topirianga patireia. Kua aka-

kite mai te Papa e a te ia mataiti ki muananae Mamae apai i te tere tangata mua no te ia akamaaraanga i te ia topirianga manea. E topirianga te ia tei akamata ia ia te tuatau i akamata ei te pai re re mua tikai mei Vaii mai kite Kuki Airani. Ko raua oki ko Mama tetai o te au tangata moua tikai i rere atu ki Rarotonga mei Vaii mai na runga i taua pai rere mua ara. Te rua, kua akakite mai a ia kite aronga tangatatei tae atu i taua po ara e, ko tetai o tona au akakoroanga i tae mai ei ko ia oki ko te tamata me ka rauka mai tetai tauturu moni mei roto mai i tetai o te au kamupani mou moni i Nu Tireni nei. Ko te akakoroanga o taua moni nei ei tauturu i te iti tangata it te Kuki Airani i te akatu are e te akameitaki i to ratou oraanga tangata. Kua akakite oki a ia e i te ia mataiti i topa ake nei kua rauka ia Nu Tireni, na roto i te kamupani mou moni ko ia oki te National Bank, mei te rua mirioni tara no te Kuki Airani mai. E moni te ia tei rauka ia ratou no roto i ta ratou tuaanga moni e oronga ana ki te tangata kia kaiou. E ko te moni tutaki akaoruarua i taua moni kaiou ara kua akakake ratou i tei reira. No roto mai i ko nei te maata o te tere o ta ratou moni tei rauka. Ia ia i Wellington kua tamata atu a ia i te patipati aere. No tona irinaki e ka rauka taua moni nei, rauka atu rai tei reira. E i te ia nei te oki nei a ia kite

ipukarea ma te rauka tetai o tana au apinga i manakonako ana. Ko te maata o te moni tei rauka ia ia e $1.50 (e tai mirioni e rima anere tauatini tara). E nuti mataora te ia ki te iti tangata e te kavamani Kuki Airani. I muri ake i ta Papa Arapati tuatuaanga kua oronga ia atu tetai tuatau no te aronga tangata tei tae atu kia uiui tuatua atu kia ia. E maata te au uianga tei ui ia atu. E manea katoa te pauanga tei pau ia atu. Ko tetai o te au mea puapinga tei kitena mai i roto i taua uiui uianga nei ko ia oki ko te akapapu mai kite iti tangata Kuki Airani i ko nei e kare rava atu tataou e tika ia kia vouti atu mei Nu Tireni nei no ta tatou kavamani i te Kuki Airani. Ko te mea pumaana kua kite te iti tangata e kare toou t-akakeanga mai mei te Kuki Airani i tere atu i te toru mataiti ka tika ia koe kia vouti me oki atu koe kite enua an anauanga i te tuatau o te ikianga kavamani. I muri ake i te uilaanga, ko tei akamotu atu i muri ua ake i te oraiva i te po, kua rage atu te iti tangata Kuki Airani i Akarana nei i tetai arikianga ia Papa, Mama e taua raua nga tamaine. E aka umukai tei reira. Kua piri atu te katoatoa raga o te tangata ki rotopu ia ratou i taua kaikaianga ara. Kua pukapuka ratou e kua mataora tikai. E i te Manakai ra 19 no Noema nei kua oki ratou ki te patireia Kuki Airani.