No te Kuki Airani mai

Mana (Auckland), Volume 1, Issue 11, 24 November 1977, Page 7

No te Kuki Airani mai

Kua tae mai a Papa Hugh Henry ki Nu Tireni nei i te ia epetoma i topa ake nei. I aere mai a ia no te kimikimi i tetai ' au parani are memeitaki te ka tau no to tatbu pa enua Kuki Airani. Kua taiku mai a ia e e akamoni ta te kavamani Kuki Airani i rauka atu no Nu Tireni nei no te tauturu i to tatou iti tangata Kuki Airani i to tatou pa enua. Kua tere atu paa i te $36,000.00 tei rauka. Ka oronga ia atu tei reira kite iti tangata na roto i te akakaiou moni. Ka kaiou oki te tangata i tana ka inangaro e ka tutaki akaou atu a ia i tei reira. Ka akatere katoa atu a ia i te tutakianga i tei reira no te mea e moni akakake tei tuku ia mai kia ia kia tutaki atu, e ka na runga ra tei reira i te roa o te tuatau tana ka papau no te tutakianga atu i taua moni akakaiou ra. * * * Kare e Papa Hugh e roa i ko nei e kua manako ia e ka oki atu a ia me rauka tana au apinga i manako no te kimikimi aere i ko nei. Ko Papa Hugh oki te tekeretere o te tipatimahi angaanga kavamani ko te PWD e ko tei karanga ia i te ia nei e ko te Public Services. Tei raro ake oki a ia i te minita ngateitei maata ko Papa Inatio Akaruru. * * * Kua tae katoa mai oki ki Nu Tireni nei a Papa Matapo Matapo i te ia epetoma i topa ake nei. Ko ia oki te mema te ka tu no te CIP a te ia ikianga nei i roto ia Titema i te ia openga mataiti nei. E tuatau tau katoa te ia no te aravei i te au taeake i Nu Tireni nei. Penei e mea tau katoa kia akamaroiroi ia to tatou iti tangata kia oki atu ana ki to tatou pa enua. Te vaitata katoa mai nei oki te ikianga. Penei ka inagnaro koe kia tu a Papa Matapo. I na ko toou tuatau tano rai te ia i te oki no te mea ei roto nei oki ia Titema ra 19 te ikianga ki

Takitumu. * * * Kua tae katoa mai oki a Papa Arapati Enere ki Nu Tireni nei. I aere mai a ia no tetai au manga manamanata i rotopu i te kavamani Kuki Airani e te kavamani Nu Tireni. Kare ra oki i te aka manamanata. E tere akatikatikaanga i tetai au angaanga e tau kia rave ia ei meitaki no te akatereanga i te patireia Kuki Airani. Kua tamanako ia mai kite Mana e e tere kimi ravenga te ia kia rauka mai tetai au

akatikatikaanga kia rauka atu ei kia taui ia tetai au ture akatereanga patireia i te Kuki Airani. Penei ka riro to Papa Arapati tere ki ko nei ei akamaroiroi katoa ia tatou kia oki atu kite ipukarea, me kare no te ikianga, kia oki tatou no te atoro atu. E aa oki te kino. Ka pou paa te rua me kore te toru epetoma ia ia i ko nei. No Wellington ana oki a ia i te ia aura i topa ake nei ki muri. Tei Akarana nei oki a ia i te ia aura nei. Kua akarongorongo te Mana e kua manuia tona tere.