Fa’amateina o mea tua’olo

Mana (Auckland), Volume 1, Issue 11, 24 November 1977, Page 6

Fa’amateina o mea tua’olo

Masalo ua iai nisi i Aukilani nei ua latou silafiaina se tulafono fou, o lo’o faamoemoeina o le a pasia e le Manukau City Council e faasaina ai le faamateina o

mea tua’olo i tuafale. Fai mai le faamatalaga, o lenei tulafono ua faia ona ua to’atele ni papalagi ua faitio i le fa’aaogaina o ni ala ua le talafeagai ma tulafono a lenei atunu’u. O nei ala ua a’afia ai le faaaogaina o amo e titina ai le manu, le umi o le taimi e tigaina ai, le sasala o manogi i le taimi e fa’amama ai, ma le leoleoa i le taimi e titina ai. Ua iai fo’i ma se faitio faapea e ono tutupu mai ai pesia ai ma ni fa’ama’i. Ua faaalia le le malilie o nisi o sui o tagata mai atumotu o le Pasefika e iai Samoa. O se tasi o nei sui, o le susuga lea a Steve Niumata ua ia saunoa faapea

ua faia nei tulafono ona o le faailoga tagata o nisi papalagi. E le gata i lea, faimai lenei ali’i a na moni lea manatu faapea e ono pesia ai ni faama’i ona o nei tu faa polenisia, masalo ua to’atele nisi ua la’u i le falema’i. Ua to’atele fo’i ni papalagi ua latou taumamafa fiafia e aunoa ma seisi e gasegase mai ai. 1 le taimi nei, o lo’o sauni fo’i le Waitemata City Council e pasia lenei tulafono, ae o lo’o talanoainae le Auckland City Council. O lona uiga, o le a le toe mafai ona toe faia nisi o a tatou tu ma masani aua o le a fasiaina i le tulafono a lenei atunu’u. Se a sou manatu iai?