Sala i le Saisai o le Pua’a

Mana (Auckland), Volume 1, Issue 11, 24 November 1977, Page 6

Sala i le Saisai o le Pua’a

I le Aso Tofi o le vaiaso na te’a nei na fa’asalaina ai e le ali’i fa’amasino o Mr H. Y. Galliand S. M. i le

Fa’amasinoga Maulalo i Aukilani, le ali’i o Pinota Silai i le $125.

Na fa’amaonia le soiitulafono a le ali’i o Pinota, ona ua ia saisaia le pua’a, (vatu le pa’ia o le ’au faitau) ma fa’ata’atia i ona tua fale, ma ua tigaina ma mafatia ai le pua’a ona o ia faiga fa’asaua. O le ali’i o Mr K. Kirkby ma i le_Sosaiete e puipuia le fa’asaua i mea ola (SPCA), fai mai a ia, o se tagata na pasia le fale o le ali’i o Silai i le aso 7 o lulai, na ia fa’alogoina se pua’a o tagi mai tua fale, ma lipotia mai loa i le S.P.C.A. O le lipoti a ali’i ofisa na o e va’ai le fa’alavelave fai mai, ua le

gasolo lelei le fa’atamilosaga a le toto i vae o le pua’a ona ua matua mau tele le saisaiga. Fai mai le ali’i Foma’i o Manu, ona o le mau tele o maea na saisai ai vae o le pua’a, na avea ai ma mea na toto ’a’ano ai manu'anu’a, ma o lea na ia fa’atonuina ai loa ia fa’a mateina loa le pua’a. O le tala a le ali’i o Silai fai mai, o le pua’a na tu’u e fa’aaoga i le aso e soso’o ai. Sa tapu’ee ali’i ofisa mai le S.P.C.A. ia ata o le pua’a ma 'aumai i le fa’a-masinoga e fai ma molimau. Fai mai le ali’i fa’amasino o Gilliand, “E tusa ai ma ata ua aumai nei i le fa’amasinoga, ua fa’aalia ai le leaga tele o lau soL itulafono, ma le tele o le tiga sa lagona e si pua’a. O le mea lea ia e totogia lau sala e $ 125 ile S.P.C.A.”