Tarereanga ura
Kua akamata e te rave nei e ka rave ua atu rai te Tangaroa Hut i tetai tarereanga ura tei tuatua ia i te reo papaa e e “DISCO DANCE.” Kua akamata tei reira i te Varaire ra 4 no Noema i te ia mataiti nei. Kua pera katoa i te po Manaki ra 5 rai no Noema
nei 1977. Ka rave ia rai tei reira a te ia po Varaire nei e pera katoa te po Manaki e tae ua atu kite epetoma mua i roto ia Titema i te ia mataiti nei. E aa te re?
E rua tiketi pai rere aere atu e te oki mai te re no taua tarerereanga ura nei. Kare e tutaki te ngai nooanga. Ka noo katoa oki te nga tangata te ka peke kia raua te re ki roto i te Kiikii Motel no tetai aura e tai ngauru.
E aa i reira te akaaereanga o te ia tarereanga ura nei? Akamata mai i te ia po Varaire e te po Manakai i topa ake nei kua, e ka, maiti ia mai e toru re i te po okotai. E toru no te po Varaire, e toru no te po Manakai e toru no te ia po Varaire nei e pera katoa te ia po Manakai nei e tae ua atu kite epetoma mua i roto ia Titema. A taua po ra ka rave ia ei te tarereanga openga no te au aronga tangata ura i re mai ana i te au po i topa ki muri. E rua ua ra oki tangata ka rave ia mai no te orongaanga atu i te re na
raua. Ka manuia te nga tangata te ka peke kia raua te re no te mea ka tano atu raua ki Rarotonga i te tuatau e akatuera akaou ia ei te Maruaiai Danceland i Tupapa. E po maata te ia i Rarotonga. E ra 17 no Titema te po e akatuera akaou ia ei te Maruaiai. Ko te pupu na ratou e tamataora i te matakitaki a taua po ra ko ia oki ko te “CONGOS”. E pupu rongonui oki te ia. E uraanga maata katoa oki te reira a taua po ra.
Permanent link to this item
https://paperspast.natlib.govt.nz/newspapers/MANAK19771110.2.22.14
Bibliographic details
Mana (Auckland), Volume 1, Issue 10, 10 November 1977, Page 7
Word Count
369Tarereanga ura Mana (Auckland), Volume 1, Issue 10, 10 November 1977, Page 7
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in