Malaga a tama o Sagato Paulo

Mana (Auckland), Volume 1, Issue 10, 10 November 1977, Page 3

Malaga a tama o Sagato Paulo

O le to’a sefulu ma le fa o tamaiti a’oga mai le Kolisi o Sagato Paulo i Ponsonby, ua fa’amoemoe nei e malaga atu i Samoa i aso malolo o le Kerisimasi. O le Aso Faraile, aso 16 o Tesema, ua fa’amoemoe e tu’ua ai Niu Sila mo Samoa e le malaga. O le 'autu o le faigamalaga, e le o se tafaoga, a’o le fesoasoani i le fausia ina o le fale a’oga mo le a’oga fou a felela ua fa’atuina nei i le nu’u o Palauli i Savai'i. Ua amataina galuega mo falea'oga fou o lea a’oga, ao tamaiti o le a malaga atu mai le Kolisi a Sagato Paulo, o le a galulue i le fa vaiaso o le a iai i Palauli i teuteuina ma le fa’amae'aina o falea’oga fou. O le ali'i faia'oga o Brother David, o ia lea o lo'o faufuaina le popokalame atoa mo le malaga. fai mai a ia, o lenei to’a sefulu fa ua ofoina atu la latou fesoasoani, o tamaiti mai le vasega Lima. Ono me le Fitu, ma e fa’amoemoe e malaga

fa’atasi ai ma ni Felela se to’atolu. O le pasese o le malaga, e tusa e $5OO-00, ma na su’e lava e le tamaititi ia lona pasese, ma e fa’amoemoe e tali api le malaga pe a taunu’u i Palauli. O le a matua va’ai tino ai tamaiti i le olaga fa’a Samoa moni. O le tala lea ale ali’i faia'oga.

’Ae le’i tu’ua Niu Sila nei e le malaga, ua iai le fa’amoemoe i le ali’i Felela ma tamaiti a’oga ia maua se $4OOO-00, o le $lOOO-00 mo se usu ane a le nu’u, ma le tausiga o latou i le fa vaiaso o le a iai i Palauli, o se $lOOO-00 mo pasese o ali’i faia’oga o le a ta’ita’ia le malaga, a’o se isi tupe e totoe ai, o le a fa’a aogaina e fa’atau a’i vali ma teuteu e fa’a mae’a a’i le fale a’oga. O le taimi nei la ua amataina ia Housie i po o Aso Tofi i le Hall lava a le a’oga i Ponsonby, ma o le po o le Aso Tofi i le vaiaso na te'a nei na amata ai ia su’ega tupe. Fai mai le lai’i Felela o Br. David, ua ’uma ona fa’atau le seti 'ofu lakapi mo le ’au a lea lava a’oga e o ma ’ave. O le lala lenei a Malisi i Palauli na fa’a-tuina i le tausaga e 1974, ma tusa ma le 100 tamaiti a’oga ua iai nei. Ia o le taimi lenei o alo ma fanau a Palauli o lo’o alaala i Niu Sila nei, afai ua o'otia lou loto, ’ave sau fesoasoani i le malaga a nai tamaiti o le a o e fau le falea’oga i lo tou nu’u, vili i le pule o le a’oga a St Paul’s College, ma ’ave iai sau fesoasoani.