Kumitiona(Commission) Tutakitakianga Tumatetenga Tupu Poitirere

Mana (Auckland), Volume 1, Issue 9, 27 October 1977, Page 5

Kumitiona(Commission) Tutakitakianga Tumatetenga Tupu Poitirere

E Aa Tona Aiteanga Noou E Toru Akakoroanga 1. Kia akatupu e te akamatakite i te oraanga tangata i te au ngai e te au atianga katoatoa.

2. Kia akatika e te akatupu i te vaerua o te akaviviki mai ma te tau tikai na roto i te rapakauanga mai i te aronga tangata tei tupu te tumatetenga tupu poitirere kia ratou kia rauka ia ratou te oraanga meitaki e te mataora mei ta ratou rai i matau ana i mua ake ka roko ia ei ratou, ko ia oki i te pae o to ratou maroiroi e te meitaki tikai o te kopapa, te aereanga manako, te nooanga taokotai o te tangata, e pera katoa te oraanga angaanga e te akatupu puapinga. 3. Kia oronga rapurapu mai na roto i te raveanga e te akatereanga ma te tau tikai i tetai tutakianga i te au tangata pouroa tei roko ia e te tumatetenga tupu poitirere kia tau ki to ratou oraanga e ta ratou ka anoano maata no to ratou oraanga. Te la Tona Akatereanga Kua Paruru la Koe e Tei Roto Koe i Ko Nei E kapiti mai koe ia koe ki roto i te ia. I raro ake i te ia ture ou nei, ka tae rai te mana o te ia ture ki runga ia koe i te au atianga katoatoa o te ra okotai, e ka tau no te aronga angaanga, te aronga kare e angaanga ana, te tane, vaine, tamariki e te aronga turoto mai ia Nu Tireni. Ka tau katoa no tatou noa atu oki e i tupu te ia, tumatetenga tupu poitirere kia- koe i te ngai angaanga, i runga i te mataara nui o te katoatoa, i roto rai i te ngutuare, i runga i te ngai tarekareka, me kore ra i tetai ua atu ngai ke i runga ia Nu Tireni, nei, noa atu oki e ko ai tei tarevake. Te Au Metitaki 1. Te Koreanga o te Tutaki Angaanga Me kore a au moni angaanga e rauka mai no te mea kua tupu tetai

tumatetenga tupu poitirere lsia koe tei riro ei tapu ia koe kia kore koe e oki kite angaanga, ka rauka kia tutaki ia atu kia koe mei te 80 patene o taau moni angaanga e matau ana koe i te koi, te ka kore e tere atu i te $260 i te epetoma. Ka tutaki ia atu te ia kia koe i te tuatau kare koe i ora ake e tae ua atu kite tuatau e ora ei koe. 2. Tino Moni Katoa (a) Me kore takiri koe e meitaki akaou i te angaanga, me kore ra, kua kino takiri toou kopapa kare e meitaki akaou kia akaoki ki tona turanga muatanga ana, ka tutaki ia koe ki tetai tino moni te ka kore e tere atu i te $7,000; pera katoa (b) Me kore takiri e rauka akaou mai ia koe te turanga e tau ei ia koe kia tamataora akaou ia koe no te mamae kopapa, no te mea kua riro tei reira uanga ei- akaauouo i te aereanga manako, e pera katoa te akaviivii takiri i toou kopapa, ka tutaki ia koe ki tetai tuaanga tino moni te ka kore e tere atu $lO,OOO. 3. Tetai Atu Au Meitaki Tei Mutu Kare te ia e ko te tutakianga taau e tutaki ia mai ana. I tetai au tumu tau tikai ka tae rai te tauturu kia koe mei te mea e e tutakianga tetai naau e tutaki atu te ka tupu mai no te mea oki kua riro toou uanga ei tauru mai i tetai au apinga ke e pera te tangata kia riro naau e tutaki kite moni. Te ia i reira taua au ngai nei e tae mai ei te tauturu, ko ia oki te tutaki no te rapakauanga i toou maki e pera katoa te okoanga o te vairakau, te tutakianga atu i toou mataara kite taote me kore kite are maki, e pera katoa te tutakianga atu i te moni angaanga epetoma a tetai tangata te ka tiaki e te akarakara ake ia koe no toou makianga i tei reira u, mei te neti oki. 4. Moni Tanumanga — Me mate ake tei reira

tangata i taua uanga ra ka tutaki ia tetai au moni tei pou ki runga i tona tanumanga. 5. Tei Riro Naau E Tauta Ana — Ka tutaki ia kite vaine tei mate tana tane apa o 'te moni te ka tutaki ia ki tana tane naringa a ia e te ora ra, inara kare e rauka akaou i te angaanga me kore ra i te kimi moni. Ka na runga ake e tai ono o te moni tumatetenga tupu poitirere, te ka tutaki ia kite metua tane naringa a ia e te ora ra inara kare e rauka akaou i te angaanga moni, e tae ua atu kite toru tamariki. Kapiti atu kite ia tutakianga moni nei, e tino moni katoa te ka tutaki ia atu. $l,OOO te maata, kite, metua vaine tei mate tana tane. Kapiti katoa atu kite ia, ka tutaki ia mai e $5OO na te tamaiti okotai e tae ua atu ki $1,500 no te ia au tamariki nei. Ko ai te ka tika ia kia koi i te ia moni nei Ka tika ia te aronga tangata e angaanga ana na tetai au tangata ke me kore ra na ratou uaorai. I raro ake i te ia nga turanga nei ka tutaki ia mai te ia moni tumatetenga tupu poitirere, e pera katoa tetai atu au pouanga moni. Kare te aronga angaanga kore e tutaki ia kite ia moni tumatetenga tupu poitirere, inara ka tauturu ia ratou i te tutakianga i tetai atu au pouanga moni ke. Te aronga e u nei i runga i te mataara ka tutaki ia ratou kite ia au moni katoatoa nei, mei te mea e e aronga angaanga moni ratou. I tetai au tu mei te ia e tutaki ia ana rai tetai au tuaanga moni me kore ake ta tei reira tangata kimianga moni. Na ai e tutaki Na te AU e tutaki no roto mai i te tuaanga moni tei tuku ia ki runga i te au aronga ta angaanga tangata mei te tu o te tero, tei tutaki ia kite Opati o te mou tero; no roto katoa mai i te tuaanga moni tei tuku ia ki runga i te aronga e au apinga akaoro to ratou; tei tutaki ia atu kite Opati mere e te vai atu ra ta ratou au angaanga ke; no roto katoa mai i te tuaanga moni tei tuku ia ei tero ki runga i ta te tangata nei moni angaanga. Taau oroanga no tetai o te ia au meitaki nei No te akamataanga kua tuku ia atu na te STATE INSURANCE OFFICE (te opati mou moni no ta te tangata nei oroanga. na roto i te tutakianga atu i tetai tuaanga moni no tana tino moni i manako te ka tau ki tona oraanga e te vai atu ra, kia tutaki ia mai a ia) e apai i te ia tuaanga angaanga. Kia viviki mai te akakite e kua u me kore kua. tupu poitirere tetai tumatetenga ki tei reira tangata angaanga. Akakite ki taau ngai angaanga e kua u koe i te ngai angaanga ma te akaki atu i te pepa tei akono ia no te tukuanga atu i taau oroanga kia rauka katoa mai i taau * ngai angaanga i te taina mai, e ka tuku atu ei i tei reira kite opati o te State Insurance tei vaitata atu kia koe. Ka anoano ia tetai pepa no ko mai i tetai taote ei\uru i taau oroanga.