Ko Papa Pomani Tangata

Mana (Auckland), Volume 1, Issue 9, 27 October 1977, Page 5

Ko Papa Pomani Tangata

Te aere nei na roto i te au nuti pepa i te ia aura nei te au nuti mataora e te taurekareka kia tatau no Papa Pomani Tangata. Me kare koe i kite ake e rapu i tetai au nuti pepa naau no te epetoma i topa ua ake nei. Tei roto i reira te maataanga o te au tuatua. Kua kite ra tatou e e manamanata te ia i rotopu ia Papa Pomani e te kavamani Kuki Airani. Kua akaari mai te nuti pepa e kare te au taote i papu tikai i ta ratou au

taumaroanga. Kua kite katoa tatou e kare e tangata kare a ia e tu ia e tetai ua atu maki. Kua tae to Papa Pomani Tangata maki i tei reira tuatau e kua rapakau ia a ia i te ia nei e kua ora. E aa ra tatou ka manono atu ei kia tiria atu a ia mei runga i tona nooanga mema paramani? Te vai nei te au tamanakoanga. Te vai nei te au tua meitaki, te vai nei rai te au tua kino. Ko te mea maata ra e maata atu te meitaki o te tua meitaki i te au meitaki o te

tua kino. Kua marama ua ra tatou e e aa i na ko nei ei.

Kua akaari mai te pepa o te Varaire ra 21 no Okotopa nei e mei te mea atu ra e e angaanga neneva tei rave ia ana. Kare ra e tika ia tatou kia akapapu i tei reira. Kua papu ra oki ia tatou e me kua tika i te tua kia ruti a Papa Pomani Tangata i tona taoonga ka ruti rai a ia. Mei te mea ra e kare i tika i te Atua kia ruti a ia, kare rai a ia e ruti. Ka tiaki atu ra oki tatou. A te ia marama ki mua nei ka rave te taopengaanga o tona akavaanga akarongdrongoanga ki Rarotonga. Ei roto i te ia akarongorongoanga nei e kitena mai ei te tika openga e te akavaanga. No nga tua roa rai e rua na te Atua e tauturu ia raua.