Kua Liu Falamooli e Maveheaga ha Niu Silani mo Niue
Ko e magaaho ne vevete ai he Takitaki Ikipule ha Niu Silani ko, Misi Malutuni, e maka ke fakamanatuaki e foakiaga fakaalofa he Fale Fono foou ma e Fono Ekepule ha Niue mai he Fakatufono Niu Silani he tapu kua mole, ne vagahau a ia pehe ko e manako ha Niu Silani ke fakatumau haana a pipiki-atu ke he maveheaga ne fakaveaki e vaha loto feofanaki mo Niue kua mau-oka-fua agaia.
Ne pehe foki a ia, ko e tautau tolu kua mole tali mai he mavete kehe mai a Niue he pule ha Niu Silani ke hu-atu ke he fakatufono pule fakamotu, ko e vaha"loto ha laua kua to lahi e mafola ti fetataaki lahi ha laua a matutakiaga ke he tau vahega gahua kehekehe mo e tau fakafetonuaki ke he tau fekau ke lata mo e fakatupu ki mua he tau gahua ma e mitaki he fehagaiaga he na motu ne ua, ke tuga e gahua kumikumi ke he tau lagomatai ke moua loga e tau ika mai he moana. Kua fiafia foki e Takitaki
Ikipule ha kua kitia e ia kua manou-hifo e tokologa he tau tagata ne fa e omai ki Niu Silani — ha ko e taha na mena nei ne tupetupe lahi e Fakatufono N iue ki ai ha ko e ku he tau tagata gahua he motu. Pehe a Misi Malutuni. kua manou-hifo fakalata e manako he tau tagata ke omai ki Niu Silani ha kua kamata tuai ke kitia e lautolu e aoga mo e loga he tau mena mitaki ha ne tutupu hake he motu ke monuina ai a lautolu. ti mahomo atu ke he atu fuata. ti kua mitaki lahi ni e fakatino nei ke lata mo e ati hake ha Niue.
Permanent link to this item
https://paperspast.natlib.govt.nz/newspapers/MANAK19771027.2.15.4
Bibliographic details
Mana (Auckland), Volume 1, Issue 9, 27 October 1977, Page 3
Word Count
300Kua Liu Falamooli e Maveheaga ha Niu Silani mo Niue Mana (Auckland), Volume 1, Issue 9, 27 October 1977, Page 3
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in