Tali Leleia, Sui Ao

Mana (Auckland), Volume 1, Issue 8, 13 October 1977, Page 6

Tali Leleia, Sui Ao

I le po o le Aso Sa, aso 25 Aokuso, sa fai ai le tali fa’aaloalo a le susuga a le pulenu’u o Aukilani, Sir Dove Myer Robinson, ma le fono a le 'a’ai o Aukilani, Auckland City Council, i le malaga mamalu a le sui Ao o le malo o Samoa, le Afioga a Tama a Aiga. Afioga a Tupua Tamasese Lealofi IV, ma lana Masiofo. O se feiloa’iga ma se po matagofie tele, ona e le gata i le ’auai o ta’i ta’i o Ekalesia "ese’ese, le mamalu o le atunu’u, ’ae sa ’auai fo’i ma sui mai atumotu o le pasefika. Sa muamua ona

fa’afeiloa’i le malaga i le saunoaga a le ali’i pulenu’u o Aukilani, ona au fa’asolo ai loa lea o lauga fa’afeiloa’i, mai sui o atumotu. O le Afioga a Vaimasanu'u Niko ’Apa le Konesula o Io tatou malo, o ia lea sa fai ma sui o Samoa, ma sa saunoa e fa’afeiloa’i le malaga mamalu. Ina ua 'uma le saunoaga a Vaimasanu’u, ona soso’o ai le ma le lauga a Rarotonga, soso’o ai ma Maori, Niue, To’elau, ’ae mulimuli ai le lauga mai le sui o Tonga. Sa saunoa lana Afioga Tupua Tamasese, efa’afetaia le vala’aulia ma le talia fa’aaloalo o le faigamalaga. Sa fa’asilasila aloa’ia' ai e le Afioga i le Sui Ao, le finagalo

o le Malo o Samoa, le fa’amautuina ma le fausia o le Fale o Samoa i totonu o Aukilani. Na saunoa lana afioga, “O le fa’amoemoe o le Malo, ia fausia lenei fale e fai ma taunu’ugao oloa a Samoa mo maketi i Niu Sila. O le a fa’aaogaina i ofisa, o fale tupe, ni potu tetele e fa’aaogaina mo fa’aipoipoga po’o ni fono, potu mo ta’aloga ma isi mea fa’apena.

O lenei fale, o le a fausia e le malo o Samoa, ma se fesoasoani tau tupe mai le malo o Niu Sila. Ma o le tau fa’atusatusa o le fale tusa e 1.25 milionaTala mao se vaitaimi o le tausaga fou o le amata ona fa’a gaoioi ai le galuega mo le fale pei ona fuafuaina.