Fono, Fa’amanatu Aganu’u

Mana (Auckland), Volume 1, Issue 8, 13 October 1977, Page 6

Fono, Fa’amanatu Aganu’u

O se tasi o fa’atasiga a atunu’u o le lalolagi e talanoaina le itu tau i galuega taulima, siva ma agaifanua a atunu’u, e fa’atasi i le fa tausaga ona faia lea fonotaga. O lenei fa’atasiga e aofia ai Polenisia, Melenisia,

Makelonesia ma Ausetalia. Ole ulua’i fono o le fa’alapotopotoga na faia lea i Ontario i Kanata i le tausaga e 1974, a ua fa’amoemoe o lona iua o fonotaga o le a usuina lea i le lunivesete o Victoria i Uilinitone ia Fepuari aso Ist-Bth ile tausaga a sau 1978.

O sui usufono mo lenei fonotaga e mai Farani, Holani, Hungary, Siamani, Peretania, Unatesetete o Amerika, Kanata ma Ausetalia. O atunu’u o le Pasefika ua auai nei o latou sui i lenei fono a atunu’u o le lalolagi, o le Atu Solomona, Papua Niukini, Fiti, Toga ma Samoa i Sisifo. O Niu Sila o le a sui e fa’alapotopotoga a Mauli ma papalagi, ma le fa’amoemoe o le a ’auina mai fo’i ni sui mai le Atu Kuki, Niu Heperiti, Niu Kaletonia, ma Falani Polenisia. O lenei foho, o le 'autu ma le mana’o, o le su’esu’eina ma le a’oa’oina lea o galuega tau lima, siva ma aganu’u a atunu’u o lo’o aofia i lenei fa’alapoto-potoga. O nisi o mata’upu e fa’amoemoe e talanoaina i lea fonotaga, o le itu lea i le so’otaga i le va o aganu’u i atunu’u, po’o siva ma pese i fatuga i le itu a Melenisia po’o tagata papa’e, o le sao o le itupa o tama’ita'i po’o tina i so’o se atunu’u i galuega taulima (art) etc., su’esu’ega i le matagofie b pese, siva, lauga.

tauloto ma solo, ma le tele lava o isi ituaiga o taleni. Afai e te lagona le aoga ma le taua o lenei fono, ma o e fia maua se avanoa e te auai ai i ia fonotaga, e mafai ona e fa’afeso’ota’ia ia Dr Roger Green Department of Anthropology, University of Auckland, Private Bag, Auckland. po’o Dr S. M. Mead, Department of Anthropology and Maori Studies, Victoria University, Wellington.

I le taimi nei, o fesoasoani tau tupe toina mai e le Ministry of Foreign Affairs, Education Department, ma le Maori Purposes Fund Board, ua iai nei le aofa’iga e

$11,250. O le tupe o lo’o mana’omia, e $28,900, mo le totogi ina o pasese o sui usufono mai atunu’u o le a auai i le fonotaga. O le mea lea, e talia fiafia sau foa’i tau tupe, ina ia fa’ataunu’uina lea fa’amoemoe, ma ia iai se aoga o lenei fonotaga.