Ongoongo Kehekehe

Mana (Auckland), Volume 1, Issue 7, 29 September 1977, Page 6

Ongoongo Kehekehe

Na’e tau mai ’a Senituli Koloi mo Saia Fangaloka ’i he ’aho 17 'o Sepitema ki Auckland pea na toki folau atu ki Aositelelia ’i he ’aho 19 ’o Sepitema ’a ia koe 'aho Monite kuo ’osi ke na fai ai ’ae ngaahi ’apitanga fakalotu ’ae Kautaha Lau Tohi Tapu 'i Sene, Melipoane, Kenipela, Kuinisilani mo Tasimenia. Te na toki foki mai ki Auckland ’i he uike hono tolu ’o ‘Okatopa ke na fai ’ae ’apitanga ’ae Kautaha Lau Tohi Tapu ’i Auckland mei he ’aho 21 ’o ‘Okatopa ki he ’aho 24.K0 ia ko kimoutolu ’oku fie kau ki he ’apitanga fakalotu ko ’eni pea ke lesisita leva kimoutolu ’i he ’ofisi ’oe Kautaha Lau Tohi Tapu ’i fika 41 Ponsonby Road. * * * ‘Oku lolotonga ’i heni foki 'a Nopele ‘Ahome’e 'i ha ’ane malolo mei ngaue ’i Tonga, pea te ne ’i Auckland nai ’o fe’unga mo ha mahina ’e 2 pea ne toki me’a atu ki Tonga. Ka ’i he’ene ’i heni ’oku ne me’a ’i he ’api nofo’anga ko ia ’o Holika mo Kaufo’ou Naufahu ’i Avondale.

Na’e fai ’i he po’uli ko ia 'oe ’aho 17 ’o Sepitema ’a ia koe po Tokonaki ’i he fale lotu ko ia 'oe Siasi Metotisi ’i Pitt Street ’ae fe’auhi sivi hiva ’ae konga ’ae kakai Tonga ’oe Siasi Metotisi ’i Nu’u Sila. Na’e ma’u fe’auhi sivi hiva ko ’eni ’e he kau Hiva ’a Otara ’a ia oku faihivaai 'a Lopeti Johansson, pea pule hiva ’a Taani Nemani. Koe lava foki ’eni ’ae ta’u ’e 3 hohoko ’ae fai ’oe fe’auhi ko ’eni ’o kau ai he ta’u ni ’ae ta’u ’e 3 hohoko 'ae fai 'oe fe’auhi ko ’eni ’o kau ai he ta’u ni ’ae kau hiva ’e 7 mei ngaa hi vahenga kehekehe ’i Auckland. ‘I he ta’u ’e 2 kuo hili atu na’e ma’u ’uluaki ’e Ponsonby ’i he ’uluaki ta’u pea maha-nga mo e kau hiva ’a Onehunga ’i he'uluaki he ta’u kuo’osi. Ka koe fakahokohoko ’eni ’oe kau hiva ’i he ’osi ’ae sivi hiva ’a ia na’e fakamaau ai ’a Maile Tonga, Leopino Foliaki mo Stan Harris. 2. Ellerslie — Faihiva ko Tautua’a Taufa (Nomuka — Ha’apai), Pule Hiva — Tevita Tuai (3). Ponsonby Faihiva ko Simione Leveni (Fasi-Moe-Afi), Pule Hiva —

Lotima ‘Apolosi (Kolomotu’a), (4) Kingsland — Faihiva ko Samuela Lomu Fifita (Kolomotu’a) Pule Hiva-Tu’ihalamaka mo Makamotu Mafile’o, (5) Onehunga — Faihiva ko Tanaki Tatafu (Kolomotu’a) (6) New Lynn — Faihiva ko Talakai ‘Aholelei (‘Eua) — Pule Hiva ko Saumaki Senituli (Fahefa), (7) Otahuhu — Faihiva ko Manase Sakisi (Vaini) — Pule Hiva ko Pikula Tu’ipulotu (Navutoka). Na’e fe’unga nai moe toko 400 pe lahiange ’ae fakakatoa ’oe kau hiva katoa na’e kau ki he sivi hiva ko ’eni. Ka na’e a’u ki he toko 600 nai ’ae fu’u kakai na’a nau kau ’i he fanongo ki he fe’auhi ni ’i he fale lotu ko ’eni ’oku fa’a lotu fakatahataha ki ai ’ae kakai Tonga ’i Auckland.