Te toa uritumu ko Kerei

Mana (Auckland), Volume 1, Issue 7, 29 September 1977, Page 4

Te toa uritumu ko Kerei

E tai ngauru ma rua mataiti o Kerei i akamata ei te tua o tona riroanga mai ei toa no te ringi ta. Ko te tuatau oki te ia i keia iai tona patikara takatakai. Mei tana oki i akamaara ana, “kua aere atu au ki tetai akaariarianga apinga ngutuare tei rave ia ki Louisville. E rave ia ana te ia angaanga i te au mataiti pouroa ki roto i tetai aka are o taua oire nei. Tei roto i te ia akaariarianga te au apinga ngutuare mei te aiti, te umu, te matini pua kakau e te vai atu ara. E au matamata koni oki tetai e oronga ua ana ia ki te au tangata e aere ana ki reira, e pera katoa te vai inu. E matau ana matou te au tamariki i te aere ki reira kia kai e kia inu ua matou i taua au apinga kai nei. E apinga oki te ia ka akaariari ia. Kare matou e oko. Kua riro tei reira ei akamou ia matou te au tamariki ki reira. Tei muri ua ake te ia i te tautau Kiritimeti. E patikara ou

toku i rauka mai. Kua akaruke au i tei reira ki vao ua i te are akaariarianga apinga e kua tomo atu ki roto i te are. Kia oki mai au ki vao kare ua rai te patikara kua peke. Kua aue tikai au. Kua uiui atu i tetai akava ei tauturu ia aku i te kimianga i toku patikara. Kua karanga mai tetai tangata e tei raro te akava ko Joe Martin i te taua i raro o taua are nei. Kia tae atu au ki reira tei te tereni a Joe i te au tangata kia kite i te ta. Kua aere atu au e kua akakite atu kia ia i toku tumatetenga. la aku e aue ara te kite katoa atu ara au i te au tamariki ou e apii ara ia ratou kia kite i te ta. Kua kite katoa atu au i tetai tamaiti ou taku i kite ana ki roto i te tivi i tetai ra ua ake i topa ki muri. Ko Roy Williams oki tona ingoa e i na roto mai a ia i te porokaramu tei karanga ia e ko te toa no apopo. I inangaro ua ana au ki o au ki roto i te tivi. Kare ra au i kite i toku patikara. E rua epetoma i muri mai kua ngaropoina ia aku toku patikara. I apai oki au i tetai kati tei runga i reira te ingoa o Joe Martin. I muri mai kua oki atu au e kua akamata i te apii ia aku kua

kite i te ta.” Kua oki tona manaki kua akamaara i tona tamarikianga. Kare oki a ia i putaua kino rava. E metua toro tona metua. E aka tana moni e rauka ana no tei reira. E tai oki o ona tuakana. E orooro aere ua tana angaanga na muri i te au tamariki i te pepei aere i te au toka na runga i te aranui E varenga ua a ia i te tiaki i te au tuatau akangaroianga kia aere atu ei a ia kia kaikai. “E varenga katoa ana au i te tamataku i te au tamariki mearikiriki ake ia aku kia akaari mai i ta ratou au pepa apii kia kite ei au i te au apii katata.’’ Kare raaiai te tamaiti kino. Kare oki a ia i roto i tona oraanga i opukina ia ana no te akatupu manamanata. Kia tae tona mataiti kite tai ngauru ma varu kua peke atu kia ia te re no to moto maru i roto i te angaanga tipoti o te ia nei ao. Kua riro mai a ia ei toa. Kare a ia i tuke mei tetai o te au tamariki ua nei. I tetai aura kare a ratou kai. Ko te pi oki ta ratou kai putuputu i te kai. Ko te mea maata ra kua turu tona nga metua ia ia i riro mai ei a ia ei toa moto maru no te ringi e no to te ao katoa nei.