RAROTONGA Naau e akara mai

Mana (Auckland), Volume 1, Issue 7, 29 September 1977, Page 4

RAROTONGA Naau e akara mai

Te kite nei tatou i Nu Tireni nei e, ko te apinga maata i te tu o te oraanga tei runga te reira i te au akamaramaanga tata ia ki roto i te au puka e ki runga katoa i te au vaanga pepa. Me e tangata kite e te marama koe i te tuatua papaa ka kite koe e ka marama katoa koe i tei reira. Me kare ra koe e kite i te tuatua papaa ka maanga ngata ia koe i reira. Auraka ra e mataku ka rauka atu tetai tauturu me ka anoano koe. Te mea mua auraka koe kia tuku ua atu i toou ingoa ki runga i tetai pepa te ka tuku ia mai ki toou ngutuare, ma te kore koe e iuiu aere ki tetai tangata marama ake kia akamarama mai. Mei te ia te tu, te maata nei te aronga okooko apinga e pae nei ki toou ngutuare. To okooko nei ratou i te au aipinga moni maata. Kare ra ratou e akakite mai i te reira tua kia'koe. Ko ta ratou tuanga kimi moni rai te reira. 1 na ra, kare tatou e inangaro i te ra tu tangata 1 to tatou ngutauare. Te rua, e aere katoa mai ana tetai aronga no te Insurance i te akanauru ia tatou kia tomo ki roto i ta ratou Insurance. Ko te Insurance, ko te pup tangata te ia e pati nei ia koe kia tomo ki roto ia ratou, na roto i te tutakianga atu i tetai tuanga moni kia ratou i te au marama ravarai.

Ko te aiteanga o te ia moni nei ei tauturu ia koe me roko ia ake koe e te manamanata.

Kareka rate akariro nei te ia au tangata i te ia ei kimi puapinga rai na ratou. Ka rave oki ratou i taau moni ka tauru ki roto i ta ratou pangika. I te tautau e noo nei taua moni nei i roto i ta ratou pangika e moni mauruuru tetai e tukuna ia ana ki runga i tei reira. Kare rate ia moni e riro mai naau. Ka riro tei reira ei moni na ratou. Kua tuatua ia oki taua moni nei e ko te ‘'interest”.

Me ka piri atu koe ki roto i tetai o te ia au “Insurance” nei ka oronga ia mai tetai au ture no runga i te akatereanga o taau moni e taau tutakianga i tei reira. Ko te mea maata ta ratou ka manono mai ko ia oki kia kore koe e koi vave i taau moni. Ka tuku mai ratou i tetai au kotinga, mei te rima mataiti e aere atu ki runga. Me ariki koe i ta ratou koreromotu ka anoana ia koe kia taina i tei reira. I te tuatau oki e taina ei koe i tei reira kia marama koe e ko te tuatau rai tei reira e riro ei koe na te koreromotu e akatere. Me kua papau koe no te kiriti i taau moni i muri ake i te rima mataiti, e kua manako katoa koe i te oki atu kite ipukarea no tetai au tumu tau meitaki tikai, kare i reira koe e akatika ia kia kiriti mai i taau moni. Ka tiaki rava koe kia pou taua rima mataiti nei. Kia kite mai e kia marama katoa tatou e e maata te au tangata tei tataraara te ngakau ko ratou i tomo ki

roto i te ia au “Insurance” nei. E manganui ua atu rai te au tumu meitaki i pera ei ratou. Kare ra a ratou ravenga no te mea kua mana ta ratou koreromotu. Ei akateateamamao ua tatou te karanga nei tetai reo e, “auraka e vavare kare oki te Atua e vare”. E no reira auraka rava e vare atu i reka o te reo akamaramaanga, e auraka katoa te mata manea kia riro ei tavarenga ia koe, noa atu e e papaa, koe te tataraapa mai aea koe a muri ake. Kia maroiroi, kia toa e kia manuia.