Te ra maata o te iti tangata Maori no Nu Tireni nei
A te Ruitoru ra 14 no Tepetema e akamata ei te ra maata no te iti tangata Maori no runga i to ratou reo tumu. E aa te akakoroanga maata? Ei akatinamou e: l.Kote Maori te iti tangata tumu enua o Nu Tireni nei. 2. Ko te reo Maori oki te reo tumu no te ia enua nei. 3. E ko te au tamariki a te iti tangata Maori e tikaanga to ratou kia kite i te tuatua i to ratou reo tumu. Ko te mea maata oki te ia i reira. Ko ia oki ko te kimi ravengaanga i tetai tikaanga no te reo Maori kia akatika ia kia apii ia ki roto i te au apii o Nu Tireni nei. E patianga manea tikai te ia. Mei te mea oki e kua akatika ia tetai au reo ke atu kia apii ia, mei te reo Varani, tetai atu e tetai atu, e aa i reira ka kore ei e tika kia apii katoa ia te reo o te iti tangata Maori? E oti ake ra e maata atu te Maori i te Varani aere, e tetai atu au papaki iti tangata papaa. Kua akamata te ia tamanamanataanga na te iti tangata Maori i te kavamani
i roto i te marama ko Tepetema i te mataiti 1972 i te ra 14.1 akamata tei reira na roto i tetai tataanga pepa kite kavamani, e tei taina ia e tetai 42,000 tangata Maori i te patianga atu kia akatika ia. I te tuatau ko Phil Amos te minita no te apii, kua turu a ia i tei reira. I te mataiti 75 kua rave tetai aronga tangata i taua manako nei kua apai atu kite Minita ko Gandar no te akaara akaou mai i tei reira. E tai apinga meitaki tei kitena ia mai. Kua irinaki tikai to tatou iti tangata Maori e, okotai rai mataara toe e vai nei kia tatou no te akatupu i to tatou au manako tau tikai mari ua ko te tu tatou ki runga ma te rave i tei reira. E apai tatou i ta tatou tamakianga. Kata te iti tangata Maori tikai te ia e rave nei i te ia nei. Auraka koe kia ngaro. Ko te tangata kare o ona e turanga tiratiratuanga, e mea tangi tikai i tei reira tangata. “Mou i te ko mou i te ere, kia pupuru o vaevae, kia mokora o kaki” E te tano.
Permanent link to this item
https://paperspast.natlib.govt.nz/newspapers/MANAK19770915.2.5
Bibliographic details
Mana (Auckland), Volume 1, Issue 6, 15 September 1977, Page 1
Word Count
419Te ra maata o te iti tangata Maori no Nu Tireni nei Mana (Auckland), Volume 1, Issue 6, 15 September 1977, Page 1
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in