Maketi Sa’oloto!

Mana (Auckland), Volume 1, Issue 6, 15 September 1977, Page 4

Maketi Sa’oloto!

O Aso To’ona’i uma lava e fai ai lenei Maketi fa’apitoa i le Te-Puke-o-Otara, Community Centre, i le Otara Town Centre. E amata ile 8 i le taeao, ’ae tapuni i le 12 i le aoauli. O lenei Maketi e fa’atau atu ai mea ‘ese’ese taugofie, e iai lavalava mo teine, fafine, tamaloloa, ’ae maise le fanau laiti. O tau o. nei mea e le pei o tau i fale oloa, e te pule lava 'oe i lau tau e ta’u i le e ona mea, a malie la iai le fa’atau oloa i lau ’ofa, pe 20 sene, ia ua e totogi ina loa lena. O lavalava e amata atu i le 5 sene e o’o atu i le $2.00. E pule ’oe i lau finau. O moega, laulau, notoa e fa’apena le taugofie. O mea taumafa, talo fa'i, fuala’au ’aina, matou te fa’atau atu ina i le (cost price) leai se tupe mama matou te maua, 'ae ia matou tautua i tagata lautele. O le itumalo o Hunua a tagata o le Labour Party, o lo’o matou taumafaia lenei galuega mo lemanuia o tagata lautele. O fa’alapotopotoga o manana’o e fia fa’atau atu ni a latou galuega taulima, po’o ni a latou fale ’aiga mo su’egatupe ia telefoni mai i le Phone 64-149 Ext. 878 fesili mo Fred Ngan Wu (Ah Woo). Matou te avatu fua ina le avanoa e fa’atau atu ai au oloa i le Aso To’ona’i, pe a matou iloa o se su’ega tupe aoga mo tagata lautele. Fa’a feso’ota’i lau ‘Au Lotu pe ao fia fai sa tou laulau (stalls). O le tupe matou te maua mai i laulau (stalls), e fesoasoani ai i Faipule o le Labour Party i le faiga palota ia Novema 1978 . . . O lo’o matou taumafai fo’i ia aoga se isi vaega o lenei tupe ina ia atiina a’e ai pea le Te Puke o Otara Centre mo fanau laiti ’uma. E fa’apea fo’i ni sikolasipi (Scholarship Awards) i alo ma fanau o lo’o latou mana’o mia lea fesoasoani. Afio mai la’ia ma ni au mea fa’atau. Soifua. Fereti Ngan Wu.