Recent Visitors from Tonga

Mana (Auckland), Volume 1, Issue 5, 1 September 1977, Page 7

Recent Visitors from Tonga

Kau’ A’ahi

Na'e 'i heni foki 'ae 'Eiki Palemia 'o T onga -

Tu'ipelehake - 'i he uike kuo'osi 'i ha'ane ha'ele atu ke kau ki he fakataha 'ae Pacific Forum 'i Papua New Guinea. Koe fakataha ko 'eni 'ae ngaahi Pule'anga 'oe Pasifiki 'oku fai ia 'i he ta'u kotoa pe 'i he ngaahi fonua katoa 'oe Pasifiki, 'a ia 'oku 'i ai 'ae kau taki mei he fonua takitaha 'o nau alea'i ai 'ae ngaahi fa'ufa'u ki he kaha'u 'oe Pasifiki katoa 'o hange koe ngaahi tu'unga faka'ekonomika 'oe Pasifiki, ngaahi ngaue 'o hange koe teu ke fokotu'u 'ae Kautaha Vaka 'oe ngaahi Pule'anga 'oe Pasifiki 'o a'u ki he fa'ufa'u 'oe ngaahi folau vakapuna, ngaahi ngaue 'e lava ke fetokoni'aki ai 'ae ngaahi Pule'anga, moe ngaahi me'a pe 'e lava ke lelei ange ai 'ae tu'u 'oe 'u Pule'anga ko ia 'i he Pasifiki 'i hono ngaahi vaha'a mo mamani lahi. Na'e kau foki 'i he folau atu ko 'eni 'a Liufau Saulala ke ne hoko ko e Sekelitali ia ki he Palemia 'o Tonga 'i he fakataha ko 'eni ka kuo 'osi a'u hake foki 'a e Sekelitali ia 'ae Pule'anga Tonga, Taniela Tufui, ki Papua New Guihnea ke kau ia ki he fakatahasi'i 'ae ngaahi Pule'anga 'oe Pasifiki kimu'a pea toki fai 'ae fakataha lahi 'ae kau Taki mei he fonua kehe - kehe. Ko Liufau Saulala 'oku lolotonga ngaue ia 'i 'aokalani koe tauhi 'ae vaha'a 'oe Pule'anga Nu'u Sila moe Pule'anga Tonga kae tautefito ki he fefolau'aki 'ae ongo fonua ni, 'a ia 'oku ne nofo ia 'i 'Aokalani.

Lupeti Vi

'Oku lolotonga 'i Aokalani 'a Lupeti Vi, koe tokotaha ia mei he konga Tau Maku'i 'a Tonga ki Tahi, ke ne kau ki he ako 'i he 'Apitanga Tau ko ia 'a Nu'u Sila 'i he Folau Tahi 'i Devonport, 'a ia te ne 'i heni 'o ne toe fakalakalaka ai pe 'ae feinga 'a Tonga 'i he ngalingali mahino mai ko 'eni 'ae 'amanaki ke fakalahi 'ae pule 'oe Pule'anga Tonga ki hono feitu'u tahi 'o a'u ki he lahi 'oe maile 'e 200 'i he konga nai ki mui 'oe ta'u ni. Koe fakalahi ko 'eni 'oe Potu Tahi Tonga kea'u ki he maile 'e 200 pea 'e fiema'u leva ha kau ngaue pe nau malu'i 'ae feitu'u 'oseni ni, 'a ia 'e ngalingali 'e fakalahi 'ae kau Tau Malu'i 'A Tonga koe'uhi ke lava lelei 'o fai 'ae malu'i ko 'eni 'e fai.

Lopeti Taufa

Na'e 'i heni 'a Faifekau Lpeti Taufa 'i ha 'ane kau mei he Kolisi Ako Faifekau ko'ia 'ae Pasifiki 'oku tu'u 'i Fisi 'i he uike kuo 'osi 'o ne kau ki he fakataha 'i he 'Univesiti 'o 'Aokalani 'ae kau mataotao 'i he 'ilo ki he Tohi Tapu more anga 'o hono ako'i 'oe Tohi Tapu. Na'e ki he fakataha k'd> 'eni ha kakai mei 'Amelika, Pilitania, Filipaini, Kanata v 'Aositelelia, Siamane pea mo Nu'u Sila ni foki. '1 he 'ene 'i heni na'a ne ma'u fainga malie.

'I he 'ene 'i heni na'a ne ma'u fainga malie ai ke ne fa 'ae Lotu fakatahataha 'ae ngaahi vahenga 'oe konga 'ae kakai Tonga 'i he Siasi Uesiliana, pea ne toki foki atu 'i he 'aho Tu'apu lelulu 25 'o 'Aokosi ki Tonga pea toki a'u atu ki Fisi.