Mo’ui ’ae Fanau

Mana (Auckland), Volume 1, Issue 5, 1 September 1977, Page 7

Mo’ui ’ae Fanau

'Oku ma'u 'e ho'o fanau 'ae ngaahi mahaki pipihi mei he ngaahi 'apiako 'i Ponsonby mo Otara koe'uhi koe 'ikai ke sai 'ae ngaahi ngaue ki he ta'ofi 'oe mo'ui 'i he ngaahi feitu'u ko 'eni. Koe fakamatala ia na'e ma'u meia Toketa lan Scott 'oe 'apiako fakafaito'o 'o 'Aokalani.

Na'a ne toe pehe foki 'e ia koe ngaahi fanau ko ia 'oku nau ma'u 'ae mahakai pipihi 'i Fale Mahaki 'o 'Aokalani 'oku 'ikai ke 'i ai ha'anau totonu ke nau 'i ai kapau na'e lelei 'a hono tauhi, koe ngaahi 'apiako ko ia 'i Ponsonby mo Otara 'oku 'ikai ke 'i ai ha koa fanofano moe vai ia 'oku 'i ai koe vai momoko pe ka koe 'u 'apiako ko ia 'i Remuera 'oku fu'u lelei ange 'a hono ngaahi naunau 'o na ia ki he tauhi 'oe fanau.

Na'a ne pehe foki 'oku lava pe 'e he fanau ako ke ma'u mai 'ae ngaahi mahaki pipihi mei he ngaahi 'apiako 'o 'ave ki 'api 'o hoko ai moe ma'u 'e he fanga tokoua moe tuofafine 'i 'api, 'oku ne fakamamafa'i foki 'oku hoko 'ae ngaahi me'a ko 'eni koe tu'unga pe 'i he 'ikai ke sai 'ae ngaahi ngaue 'oku lolotonga fai ki he mo'ui 'ae fanau ka 'oku 'ikai ke tukuaki'i 'ae 'ikai ke tauhi lelei'i 'e he matu'a 'i 'api. 'I he ngaahi feitu'u ko ia 'o

hange ko Ponsonby, 'oku fu'u faingata'a 'aupito ki he kau Polinisia ke ma'u ha Toketa pea kapau 'e ma'u pekoe mahaki 'oku 'oatu. Pea 'i he ngaahi fehu'i pehe 'ae ngaahi kau ngaue 'oe Toketa pea 'e toe fakakaukau leva 'ae matu'a 'oku nau 'alu ki he ngaahi feitu'u ko 'eni ke nau kii talitali ki ha ngaahi 'aho, ka 'i he lolotonga ko ia 'oku faka'au peke fu'u lahi 'ae puke ia 'ae fanau 'oku puke. Na'a ne pehe foki 'e ia 'e lava ke fakalaka 'ae ta'ofi 'oe ngaahi mahaki ko 'eni kapau 'e ngaue'aki 'ae ha kau ngaue Polinisia 'i he ngaue ki he tauhi 'oe mo'ui 'ae kakai

Polinisia kae pango 'oku 'ikai ke tali ke nau ma'u ha ngofua ke nau ngaue'aki 'i 'Aokalani he koe lahi 'o kinautolu 'oe fa'ahinga kakai pehe ni 'oku nau ngaue pekoe kau tokoni ki he kau neesi. 'Oku fiema'u 'e he MANA 'a ho'omou fakakaukau 'i he ngaahi fakamatala ko 'eni 'oku fai atu 'e Toketa Scott, kapau 'oku ke loto tatau pe 'ikai moe tokotaha ko 'eni pea ke tohi mai ki he MANA, Puha7o4, Auckland, ke fakaha mai 'a ho'omou fakakaukau he 'oku fu'u ma'uhinga 'aupito 'ae ngaahi fakakaukau ko 'eni 'oku fakaha atu.