Teata
Rarotonga.
E teata ou teia i te taoni e akaari ia nei. Ko tona ingoa ko 'Te Moana Oonu' me e papa'a koe, ko ‘The Deep’. Me kare koe i kite ake i teia teata no te kare e taime i te akara, auraka e manamanata no te mea me pou i a koe teia tua i te tatau kua kite rai koe. Teia te aere anga o te teata. Kua tae atu tetai nga tokorua, tane e te vaine, ki tetai tuanga enua i vaitata atu ki Tiamaika ma, no tetai aere anga manuiri ki reira. 1 to raua tae atu anga ki reira kua akariro raua i te anga anga ruku i roto i te moana ei akapou i to raua orote ki reira. Inara, ia raua e ruku nei i tetai tuanga moana kua kite raua i tetai au akairo tei rauka mai ia raua i te apai mai ki uta. Ko teia au akairo. no roto mai te reira i te kopapa pe o tetai pai Paniora tei parai ki reira. Ma to raua kite kore, kua riro teia apinga ta raua i apai mai, e pera katoa tetai moina meangiti ei akamanamanata i te ngakau o tetai au tangata o taua enua. Kua rave teia au tangata o taua enua i tetai anga anga kikino ei akamataku i teia nga tokorua kia koreoki rauae rukuakaou i taua ngai. 1 muri mai i te aka
aere anga o te teata. kua kitea mai e ko te apinga maata i teia au tangata tei manako kino atu i teia nga tokorua koia oki ko te kooro e tetai vairakau puapinga (morphine) ei vairakau maki me kare ei tamate tangata. Tei roto teia nga apinga i te kopapa pe o teia pai nei. Me ka rauka mai teia nga apinga. ka riro i reira tatai moni maata i teia au apinga nei.
1 runga katoa i taua enua. tetai tangata kite i te au peu katoa o te ruku e te au tu o te apinga o te tuatau taito. Kua riro i reira aia ei tauturu i teia nga tokorua kia kore e maata te kino e tupu kia raua. Kua riro te ngutuare o taua tangata nei ei akapuanga no teia tokorua. 1 te maata anga o te kooro e te vairakau kua rauka mai te reira i te rukuia. Inara, te vai nei rai te kimi ravenga kino a te aronga manako kino. I te pae openga. kua ruku atu teia aronga kino kite ngai o teia pai nei no te tamate atu i teia au aronga tei rauka mai ia ratou te maata anga o te kooro. Koia oki te tokorua e te tangata tei tauturu atu ia raua. Inara, no te tu noinoi o aronga kino kua riro te tu noinoi ei tamate ia ratou. Ko
Permanent link to this item
https://paperspast.natlib.govt.nz/newspapers/MANAK19770901.2.5
Bibliographic details
Mana (Auckland), Volume 1, Issue 5, 1 September 1977, Page 1
Word Count
474Teata Mana (Auckland), Volume 1, Issue 5, 1 September 1977, Page 1
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in