Te manea o te pure
“E te Atu, e apii mai ia matou kia kite i te pure” I tuatua ana tetai tangata e kare e rauka ia ia kia karanga' e “to tatou/ matou” me kare a ia e akara atu ana ki tona au taeake. Kare katoa e rauka ia ia kia karanga e “metua” me kare katoaia ia e rave i ta te au tamariki peu ei akatika i tei reira. Pera katoa kite tuatua ra e “i te ao ra” me kare a ia e irinaki ana i tei reira. Pera katoa te tuatua e “kia tapu
Toou ingoa” me kare a ia e akatapu ana i tei reira. Kare katoa e tau ia ia kia karanga e “kia tae Toou patireia” me kare a ia e tauturu i tei reira kia tupu. Kare kutoa e tau ia ia kia karanga e “kia akono ia Toou anoano” me kare rai a ia e akono i tei reira. E kare katoa e tau ia ia kia karanga e “i te enua nei mei tei te ao ra” me kare a ia e rave i ta te Atua i akaruke mai kia rave te tangata nei. E pera katoa oki kite tuatua e “o mai i te kai e
tau ia matou” me kare a ia e angaanga tikai ma te tau tikai no tei reira. Pera katoa kite tuatua e “e akakore mai i ta matou a ra” mete akamoupuku ra a ia i tona au taeake. Kare katoa e tika ia ia kia karanga e “auraka e akaruke ia matou kia timata ia mai” mete akatika nei mia i tei reira kia tupu kia ia. Kare katoa e tau kia tuatua a ia e “e akaora ra ia matou i te kino” me kare a ia e kimi i te ravenga kia kore a ia e o ki tei reira. Kare rai e tau kia karanga a ia e “Noou oki te patireia” me kare a ia e oronga atu kite Ariki Ngateitei ko lesu Mesia i te akangateiteianga tei tapu rava Nona. Pera katoa te tuatua e “mana e te kaka”, e pera katoa “e tuatau ua atu” me kare a ia e rave ana i tei reira, mari ra ko te rapu ua ia ia kia rongonui, ngateitei ma te kore e akara atu kite au taeake.
Kia mata kite meitaki. Me kapiki koe i te Atua ma te akavaitata atu kia la, e kapiki ma te akavaitata atu ma te tae tikai o te ngakau e te inangaro. Ko te mea maata kia tau meitaki tikai tei reira e kia rave katoa koe i taau e tau i te rave ma te pumaana e te tae tikai o te inangaro. Kia ora ona.
Permanent link to this item
https://paperspast.natlib.govt.nz/newspapers/MANAK19770901.2.30
Bibliographic details
Mana (Auckland), Volume 1, Issue 5, 1 September 1977, Page 4
Word Count
460Te manea o te pure Mana (Auckland), Volume 1, Issue 5, 1 September 1977, Page 4
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in