Kumikumiaga ke he Tuage Mooli he Faahi Gahua Maori
Kua huhh atu ke he tau Maori mo e tau Aelani poke heigoa e tau hikihikiaga kua lata ke taute ke maeke he Faahi Gahua Fakatufono ne higoa ko e Faahi Gahua Maori ke lagomatai mitaki atu ke he tau tagata.
Ko e tau kua mole ne ole atu e tau tagata gahua lagomatai maaga i loto he faahi gahua nei ke he Ikipule ne leveki atu ke he Faahi Gahua Maori ko, Duncan Mclntyre, hagaao ke he tau gahua ha lautolu ha kua nakai maama mitaki ia lautolu e fakaveaga tonu he tau faahi gahua ne fekafekau a lautolu ki ai, ati talia ai he Ikipule ke fai kumikumiaga ke liu kikite atu ke he tau gahua lagomatai fakatagata i loto he faahi gahua na.
Ke lata mo e taha vala he kumikumiaga nei, ne tokoua e tagata kotofa pauaki mai he matapatu ofisa pule gahua he Fakatufono i Ueligitoni ko, Kara Puketapu mo Pam Haber-Thomas, ne o hake mai ki Aukalana he tapu kua mole mo e fanogonogo ai ke he tau manatu he tau veveheaga tagata kehekehe mo e tau matakau mo e tau veveheaga lotu kehekehe i Aukalana. Ko e falu he tau veveheaga poke tau matakau ne fanogonogo a laua ki ai ha na kua tohia mai i luga he tala kua tohia ai ke he vagahau Palagi. Pete kua ui e faahi gahua nei he Fakatufono ko e Faahi Gahua Maori ka ko e lahi foki he tau gahua ne taute e lautolu kua hagaao ia ke he tau tagata mai he tau aelani ti kua manako foki e tau tagata gahua fakamaaga ke mamafa atu ha lautolu a gahua ke he faahi gahua ia kua tonuhia a lautolu ki ai.
Ko e mogonei ne ha ha i ai
foki e loga he tau faahi gahua he Fakatufono ne fa e lagomatai atu ke he tau aelani tuga e Faahi Gahua Fakaakoaga, Faahi Gahua Leveki T au Tagata Omai Ke He. Motu, mo e Faahi Gahua Fehagai Mo e Tau Motu Kehe. Ti kua vihi lahi e mena nei ke he tau tagata gahua fakamaaga he Faahi Gahua Maori ha ko e mena lago foki ki a lautolu e lagomatai atu ke he tau tagata matematekelea he maaga pihia foki mo e tau kaina nonofo he tau Aelani. Kua nakai maama mitaki he tau tagata gahua fakamaaga ha lautolu a lagoaga tonu he tau gahua ha lautolu ke he faahi na.
Ko e matapatu kupu ne fa e huhu ki ai po kua lata nakai ke fai faahi gahua pauaki ke fakatu ke lago ki ai e tau gahua lagomatai atu ke he tau tagata aelani ke tu-kehe mai he Faahi Gahua Maori. Ko e Faahi Gahua Maori mogonei kua tose lahi e talahauaga he haana tau gahua ke he tau tagata aelani. Ti kua manako e tau tagata gahua fakamaaga i loto he faahi gahua nei ke fakamaama fakamahino age ha lautolu a lagoaga tonu he tau gahua ke maeke ia lautolu ke fakamaama atu fakamitaki ke he tau tagata ha lautolu a tau gahua kua kotofa a lautolu ke fekafekau atu ki ai hagaao ke he tau Maori mo e tau Aelani.
Ko e matapatu gahua he Faahi Gahua Maori ne lago tonu ki ai ko e kelekele he tau Maori. Pehe e talahauaga he taha pulotu Maori ko, Dr Rangi Walker, ko ia taha he Fono Tufono Lahi he Tau Maori i Aukalana, kua lolelole e lagomatai ne tuku Veveu ke he lau 7
Permanent link to this item
https://paperspast.natlib.govt.nz/newspapers/MANAK19770804.2.7
Bibliographic details
Mana (Auckland), Volume I, Issue 3, 4 August 1977, Page 1
Word Count
592Kumikumiaga ke he Tuage Mooli he Faahi Gahua Maori Mana (Auckland), Volume I, Issue 3, 4 August 1977, Page 1
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in