Akamaaraanga i to tatou ra

Mana (Auckland), Volume I, Issue 3, 4 August 1977, Page 4

Akamaaraanga i to tatou ra

Kua tae akiaou tatou i te ia nei kite tai ngauru ma toru o to tatou akamaaraanga i to tatou riroanga mai na tatou ua o rai e akatere. I te ra a no Aukute i te mataiti 1965 kua oronga ia mai te tika ia tatou kia akatere i to tatou patireia kia tau ki ta tatou i manako e i inangaro.

I te ia ra nei te riro nei te ia ei mea ngakau parauanga nc tatou katoatoa.

I te ia ra nei ka akarongo akaou mai to tatou iti tangata i to tatou Peremie Ngateitei ko Arapati Enere e tana ka tuatua mai kite iti tangata.

E ramaatateia. Emaatate au tangata ka aere atu no taua akatueraanga nei i te ia ra maata.

Ka putuputu atu te au Taokotaianga katoatoa ki

reira. Ka na roto ia i te mareva te akatueraanga ia o taua ra nei. Ka orote oki te au tipatimani angaanga a te kavamani a taua ra ra. E mea tau oki ia tatou kia piri atu kia ratou ho te ia ra maata nei.

E rua epetoma te tamataoraanga no te ia mataiti. Te au pupu tarekareka tei papu no te aere mai ki taua aura tarekarekaanga nei ko to te Mauke, Mitiaro, Aitutaki, Penrhyn e pera te au pupu Tarekareka no Rarotonga rai. Te au tarekareka mei. te tue -poro e te vai atu ra, e pera te akaariarianga angaanga akamanea me kore apinga akamanea a te aura openga.

Tetai au manako mamaata ta te Peremie ka tuatua ko ia oki ko te puapinga maata o te iti tangata Kuki Airani kia

ruru ki tfe ngai okotai no te akatupu meitaki takai i to tatou patireia kia tere no te au tuatau ki mua. Ko te manako e kia momotu tatou i to tatou pirianga mou tikai kia Nu Tireni na tatou tikai tei reira e rave, na te iti tangata Kuki Airani. Kua tau te tuatau kia akarakara meitaki tatou no te akatereanga ia tatou rai kia tau ki ta tatou ka inanagro. E maata te au tangata ke ke atu no te au patireia i vao ake i te Kuki Airani te ka tae atu ki reira. Kua tere atu i te tai tauatini tangata papaa e noo mai nei i te ia aura ki reira. E mea rekareka te ia. Te tutuki nei oki to tatou rongo manea na to te ao katoa nei. Ki te patireia kuki Airani te pure atu nei te Mana no koutou kia tfcre ki mua te meitaki e te manuia.