Uipaanga maata na te Demo o Nu Tireni nei te rave ia ki Porirua i Wellington

Mana (Auckland), 14 July 1977, Page 4

Uipaanga maata na te Demo o Nu Tireni nei te rave ia ki Porirua i Wellington

E maata tikai te iti tangata Kuki Airani i Wellington lei aere atu ki tetai uipaanga maata tei rave ia ki Porirua i te Manakai ra 2 no Tiurai 1977. E maata te au mema no te au oire mamaata mai i vho ake ia Wellington tei tae atu ki reira. E toru oki mema no te Kuki Airani mai. Ko Tomu Taote (Dr Tom Davis), te arataki o te DEMO e te tua patoi i te kavamani, ko Tangata Simiona(te mema te ka tu no Atiu a te ia ikianga e tu mai nei i roto ia Tepetema 1977, tei karanga ia e te Papaa e e “by election”, na te iti tangata Atiu i pati atu kia tu a ia), e Marii Mahutaariki, te tekeretere maata o te kumiti rotopu o te DEMO i te Kuki Airani, e ko tei tamanako ia ki tu ei mema no te DEMO ‘a te ia ikianga maata i te 1978 e tu mai nei.

Kua anau mai i roto i taua uipaanga ra tetai kopapa taokotai ei akaruru i te iti tangata Kuki Airani i Nu Tireni nei tei karanga ia ratou e e au DEMO. Ko te akakoroanga maata ko te kimi atu e te paruru i te iti tangata Kuki Airani i Nu Tireni nei, noa atu oki e e CIP me kore ra e DEMO.

Ko te mea maata ko to tatou tikaanga ta takitai auraka kia ravea ke ia e tetai ke. E tai ngauru mema i iki ia ki roto i taua pupu nei. Ko to ratou akaaere maata ko Sadaraka Sadaraka(ko te ka tu ei mema no te DEMO no Aitutaki a te ia ikianga e tu mai nei ki mua ia tatou i te 1978) e tona tekeretere ko Piri Kautai (e tauturu tekeretere oki no te kumiti rotopu o te taokotaianga DEMO a Akarana). I roto i taua uipaanga maata ra kua akakeu te katoatoa i tetai au tamanakoanga kia rave ia. Te ia oki tetai o taua au manako mamaata ra: E- Kia kimi atu te kumiti rotopu i tetai au ravenga e rauka mai ei te tikaanga o te iti tangata Kuki Airani i Nu Tireni nei kia vouti i Nu Tireni nei ma te kore e oki roa atu kite Kuki Airani vouti ei.

Kua tamanako ia me kore e tika ia mai, kia maani ia tetai tataanga ingoa tangata e tetai akaueanga ki nga kavamani e rua te kavamani Kuki Airani e te kavamani Nu Tireni kia akatika mai i tei reira i raro ake i to tatou

tikaanga to te iti tangata Kuki Airani. 2. Kia tauta pakari taua kumiti rotopu ra kia kore rava tatou e akatakake ia mei raro ake i te marumaru o te au Nu Tireni. 3. Kia rauka i taua kumiti rotopu ra kia kimi atu i te au ravenga e kore ei te mana o tetai au ture enua tei akamana ia e te kavamani Kuki Airani ma te kore ravi tatou i Nu Tireni nei i kite, ko ia oki te Landowners Cooperation Act, te Land Zoning Act, e.te Land Use Act. Kua papu oki i te DEMO e ka tumatetenga kia tatou e noo nei i Nu Tireni nei. Kua tuatua a Tom, a Tangata e Marii ei turu mai i te au manako o te au DEMO tei ki taua uipaanga ra. Kua pumaana tikai te au tangata CIP tei ate ake ki taua uipaanga ra. Atupaka rava atu ei to te au DEMO tikai. E manea tikai taua uipaanga rate raveanga ia. Kai te popongi, umukai te avatea, umukai akaou te aiai. Eaa ia pakau. E koni atupaka oki to taua po ra. Kaore atu te akaieie. Ki tikai oki te are ura i taua po ra. E kore ngai ua no te ura.